Azərbaycanda nurçuların dini icması varmı?

“İndiyədək Dini Qurumlarla İş üzrə Dövlət Komitəsi tərəfindən icma üzvləri hər hansı dini cərəyana, o cümlədən nurçuluğa mənsub olan şəxslərdən ibarət dini icma qeydiyyata alınmayıb”.

Azinforum.az Trend-ə istinadən bildirir ki, bunu Dini Qurumlarla İş üzrə Dövlət Komitəsinin sədr müavini Gündüz İsmayılov jurnalistlərə deyib.

O qeyd edib ki, üzvlərindən biri də nurçu olan hər hansı dini icma qeydiyyatdan keçməyib.

G.İsmayılovun sözlərinə görə, artıq necə ildir ki, nurçu dini cərəyanına məxsus dini ədəbiyyatların ölkəyə kütləvi şəkildə idxalına, ixracına və çapına məhdudiyyət qoyulub.