Cümə axşamı , Noyabr 26 2020
Ana səhifə / Siyasət / Nyu Yorkda Xocalı faciəsinin qurbanları yad edildi – FOTOLAR

Nyu Yorkda Xocalı faciəsinin qurbanları yad edildi – FOTOLAR

Bu gün Nyu York Azərbaycan Evində Xocalı faciəsinin 25-ci ildönümü qeyd olunub. Musavat.com-un tədbirdə iştirak edən əməkdaşı xəbər verir ki, Nyu Yorkda yaşayan azərbaycanlıların iştirakı ilə gerçəkləşən ildönümündə tanınmış simalar iştirak edib. Azərbaycanın BMT-də daimi numayəndəliyinin rəhbəri, səfir Yaşar Əliyev və Fərid Cəbrayılov, Jeffrey Verbok, TADF-ın nümayəndəsi Hayal Erdoğan, yəhudi icmasından Yakov Abramov ve Pinkhas Avshalumovla yanaşı, Nyu Yorkda məskunlaşann həmvətənlərimiz də tədbirdə fəallıqları ilə seçilib. 

Tədbiri giriş sözü ilə Azərbaycan Evinin rəhbəri Minəvvər Vahabova açaraq Xocalı faciəsinin heç zaman unudulmaması üçün həmvətənlərimizin bir olmasının vacibliyini söyləyib. Səfir Yaşar Əliyev də öz çıxışında şəhidlərin Vətən uğrunda canlarından keçməsini Azərbaycan tarixində qürur səhifəsi adlandırıb.
Şəhidlərin ruhuna Fatih Camisi hocaları tərəfindən dualar oxunub, ehsan süfrəsi açılıb. Tədbirin sonunda Nyu Yorkda yaşayan həmvətənlərimizə və gələn qonaqlara “Sonsuz dəhliz” (“Endless corridor”) sənədli filmi nümayiş etdirilib. ( musavat.com)

Həmçinin oxuyun

Fransa XİN: “DQR” rejiminin tanınması heç kimə fayda verməyəcək”

Fransa Senatı bu gün 305 səs lehinə, 1 səs əleyhinə olmaqla qondarma DQR rejiminin müstəqilliyini …

Bir cavab yazın