Bazar ertəsi , Yanvar 18 2021
Ana səhifə / Siyasət / Ağstafada prokurorun istefası tələb edilib – VİDEO

Ağstafada prokurorun istefası tələb edilib – VİDEO

Noyabrın 19-da bir qrup Ağstafa sakini rayon prokurorunun istefası tələbilə prokurorluğun qarşısında aksiya keçirib. Buna noyabrın 13-də yerli sakin Tural Hacıyevin qətlə yetirilməsi səbəb olub.
 
Tural  Hacıyevin ailə üzvləri hesab edirlər ki, rayon prokurorluğu cinayət işlərinə düzgün baxmır.
“Rayonda Samir və Fərid adlı şəxslər var, bunlar kimi istəsələr vurur, şikəst edir, xəsarət yetirir, buna baxmayaraq, azadlıqda  qalırlar. Bu il noyabrın 13-də qardaşım Tural Hacıyevi qətlə yetiriblər. Camaat hesab edir ki, əgər bu şəxslər vaxtnda törətdikləri cinayətlərə görə həbs olunsaydılar qətl hadisəsi törənməzdi”, mərhumun qardaşı Tapdıq Hacıyev qeyd edib.
Onun sözlərinə  görə, hazırda istintaq gedir və bu şəxslərin digər cinayətlərinin də ortaya çıxdığı deyilir.
T.Hacıyevin dediklərinə görə, həmin iki şəxs qətl hadisəsindən sonra həbs edilib.
“Qardaşımı bu şəxslər 45 manat pula görə qətlə yetiriblər. 4 ay əvvəl onlar qardaşımın maşınını əziblər. Hadisə də bunun üstündə olub”, – o qeyd edib.
Ağstafa rayon prokuroru Aslan Surxayev aksiya iştirakçılarına bildirib ki, cinayət törətmiş iki şəxsin kimliyi bəlli olub.
“Üçüncü şəxs ətrafında da istintaq-əməliyyat tədbirləri aparılır. Bu işdə kimin əli varsa, məsuliyyətə cəlb ediləcək. Valideynlərinə də söz verilib, hadisəni törədənlərə ən ağır cəza veriləcək”, – o qeyd edib (Contact.az).

Həmçinin oxuyun

“Hər bir vergül üstündə mübarizə gedirdi” – Putin Qarabağdan danışdı

Rusiya Prezidenti Vladimir Putin Dağlıq Qarabağda atəşkəs haqqında noyabr bəyanatının qəbul edilməsi ilə bağlı bəzi …

Bir cavab yazın