Braziliyada 56 məhbus həbsxanadan qaçıb

Braziliyanın Rui-Qrandi-du-Norti ştatının Alkasus həbsxanasında baş verən qiyam nəticəsində 56 məhbus qaçıb.

“Qafqazinfo” xəbər verir ki, bu barədə “Globo” telekanalı məlumat yayıb.

Məlumata görə, yanvarın 14-də baş verən qiyam nəticəsində 26 nəfər ölüb.

Yerli hakimiyyətin sözlərinə görə, qaçan məhbusların sayı hara daha çox ola bilər. Həbsxana əməkdaşları mürəkkəb vəziyyət səbəbindən hələlik dəqiq yoxlamadan keçirə bilməyiblər.

Bundan əvvəl təxminən 200 məhbus ölkənin cənub-şərqində növbəti üsyan sonrası həbsxanadan qaçmışdı.