Amerikanın Kansas əyalətində yaşanan hadisədə 7 yaşlı Adrian ögey anası Heather Jones və doğma atası Michael Jones tərəfindən ağılasığmaz işgəncələrə məruz qaldı. Vəhşiliyin qan donduran detalları ortaya çıxdı. Məhkəmə ər-arvadın cəzasını açıqladı.
Adrian Jonesin gülümsəməsi, öz atası və ögey anasının qorxunc işgəncələrindən sonra soldu. 7 yaşındakı uşaq aclıqdan bir dəri bir sümük qaldı və həyatını itirdi. Amma vəhşilik bununla da bitmədi.
İngilis qəzeti Daily Mirrorda yazılan xəbərə görə, talesiz uşağı kəsmə taxtalara bağlayan, aç saxlayan, saatlarla soyuq havada çöldə buraxan canavar cütlük, etdikləri hər vəhşi hərəkətin şəklini çəkərək kompyüterə qeyd ediblər.
Ortaya çıxan fotoşəkillərin birində, kiçik uşağın evin bağçasında zibil dolu hovuzda buz kimi suyun içində saatlarla saxlandığı göründüyü kimi, zəifliyi də diqqətlərdən qaçmır. Bütün bu qorxunc detallar vəhşiliyin yaşandığı ev sahibinin kompüterinə baxılarkən ortaya çıxıb.
Kiçik uşaq 2015-ci ildə itmiş, cəsəd parçaları isə donuz qəfəsinin ətrafında tapılmışdı. Bu istiqamətdə aparılan araşdırmalarda kiçik uşağın öldükdən sonra cəsədinin donuzlara yedirildiyi ortaya çıxdı.