Şənbə , Dekabr 5 2020
Ana səhifə / Zabitimiz şəhid oldu – (Fotolar)

Zabitimiz şəhid oldu – (Fotolar)

Martın 27-də cəbhənin Ağdam istiqamətində şəhid olmuş Azərbaycan Silahlı Qüvvələrinin zabiti, baş leytenant, 1980-ci il təvəllüdlü Əhmədov İqbal Sərraf oğlu martın 28-də doğulduğu Lənkəran rayonunda dəfn olunub.

Şəhid baş leytenant rayonun Aşağı Nüvədi kəndindəki qəbiristanlığında torpağa tapşırılıb.

Şəhidin dəfn mərasimində “N” saylı hərbi hissənin yüksək rütbəli zabitləri, döyüş yoldaşları, rayon rəhbərliyinin və ictimaiyyətin nümayəndələri iştirak ediblər.

Mərasimdə şəhidin ruhuna dualar oxunub.

Çıxış edənlər hərbçi ailəsində doğulan İqbal Əhmədovun vətənin ləyaqət və şərəfini öz canından üstün tutması ilə qürur duyduqlarını diqqətə çatdırıblar.

Şəhid İqbal Əhmədov yaylım atəşləri altında son mənzilə yola salınıb.

Qeyd edək ki, baş leytenant İqbal Əhmədov 1998-ci ildə Azərbaycan Ali Hərbi Məktəbinə daxil olub. 2003-2004-cü illərdə təlim-tədris mərkəzindən sonra hərbi qulluğa başlayıb. Ön cəbhədə xidmət aparıb. Ailəli olub, bir oğlu, bir qızı var (AzərTAc).

Allah rəhmət eləsin!

Həmçinin oxuyun

Naxçıvanda karantin qaydalarını pozaraq toy məclisi təşkil edən şəxslər həbs edilib FOTO

Karantin qaydalarını pozaraq toy edənlər cəzalandırılıb. Naxçıvan Muxtar Respublikası Daxili İşlər Nazirliyinin yaydığı məlumata görə, …

Bir cavab yazın