Çərşənbə axşamı , Fevral 19 2019
Ana səhifə / Müsahibə / Ermənilər əsgərimizin meyitini qaytarmır – Müdafiə Nazirliyi

Ermənilər əsgərimizin meyitini qaytarmır – Müdafiə Nazirliyi

“Hazırda müvafiq qurumlarla birgə hərbi qulluqçumuzun cəsədinin Azərbaycan tərəfinə qaytarılması istiqamətində işlər davam etdirilir”.

Bu barədə Azinforum.az-a Azərbaycan Müdafiə Nazirliyinin mətbuat xidmətindən məlumat verilib.

Nazirlikdən bildirilib ki, erməni tərəfi əvvəlcə cəsədin onlarda olmadığını bildirsə də, Müdafiə Nazirliyi tərəfindən həyata keçirilən müvafiq tədbirlər və əldə edilən təkzibolunmaz dəlillər qarşısında məcbur qalaraq Azərbaycan əsgərinin meyitinin fotolarını sosial şəbəkə vasitəsilə yayıb:

“Təxribatın qarşısını alarkən həlak olan və düşmən nəzarətindəki ərazidə qalan əsgər Qurbanov Çingiz Salman oğlunun meyitinin geri qaytarılması ilə bağlı Müdafiə Nazirliyi tərəfindən Beynəlxalq Qızıl Xaç Komitəsinin Azərbaycan nümayəndəliyinə, ATƏT-in Minsk Qrupuna, o cümlədən ATƏT-in fəaliyyətdə olan sədrinin şəxsi nümayəndəsi Anjey Kasprşikə rəsmi qaydada müraciət edilib. Təəssüflər olsun ki, Ermənistan tərəfi növbəti dəfə beynəlxalq qurumların nümayəndələrini aldadaraq bu hadisədən yenidən öz çirkin əməlləri üçün istifadə etməklə Azərbaycan xalqına qarşı qeyri-insani simasını nümayiş etdirir”.

Həmçinin oxuyun

İntiqam almaq üçün Əfqanıstana gedən zabit – Azərbaycanlı “əfqan”ın taleyi

Ehtiyatda olan polkovnik-leytenant Şakir Əhmədov iki dəfə Qırmızı Bayraq ordeninə layiq görülmüş yeganə azərbaycanlı beynəlmiləl …

Bir cavab yazın