Qonşunun “Wi-Fi”nə qoşulmaq haramdır – FƏTVA

Dubayın İslam və Xeyriyyəçilik işləri üzrə departamenti fətva verib. Fətvada sahibinin xəbəri olmadan naqilsiz şəbəkəyə qoşulmaq qanunsuz hesab edilir.

Moderator.az bu barədə “Gulf News”a istinadən xəbər verir.

Fətvaya görə, “başqalarına aid olanı onun razılığı olmadan havayı istifadə etmək olmaz. Ona görə də internetdən yalnız xidmət haqqını ödədikdən və ya sahibinin icazəsini aldıqdan sonra istifadə etmək olar”.

Fətvada, həmçinin qeyd edilir ki, “Wi-Fi”dan qanunsuz istifadə, ilkin istifadəçinin internet sürətini azalda bilər, belə ki, bu internet qoşulmadan eyni zamanda bir neçə nəfər istifadə edə bilər.