Çərşənbə , İyul 24 2019
Ana səhifə / Şou Biznes / Daha bir uğurlu məhkəmə prosesi – Vətəndaş kupça ilə təmin olundu!

Daha bir uğurlu məhkəmə prosesi – Vətəndaş kupça ilə təmin olundu!

Vətəndaş onun valideynlərinə (ata və anası) məxsus olan bağ sahələrini onun adına rəsmiləşdirməyən Daşınmaz Əmlakın Dövlət Reyestri Xidmətinin Bakı şəhər ərazi idarəsindən şikayət edirdi. Bundan sonra biz vətəndaşın hüququnu bərpa etmək, onun bağ sahələrinin üzərində mülkiyyət hüququnu təsdiq edən sənədini almaq üçün Daşınmaz Əmlakın Dövlət Reyestri Xidmətinə müraciət etdik. Qurum müraciətimizə birmənalı cavab vermədi, sadəcə qanunda göstərilən sənədləri təqdim etməli olduğumuzu və yalnız bundan sonra sənədlərə baxılacağını açıqladı. Təbii ki, biz qanunda nəzərdə tutulan bütün sənədləri Daşınmaz Əmlakın Dövlət Reyestri Xidmətinin Bakı şəhər ərazi idarəsinə təqdim etmişdik, sadəcə qurum bizə çıxarış (kupça) verməkdən yayınırdı.
Bundan sonra Daşınmaz Əmlakın Dövlət Reyestri Xidmətinin Bakı şəhər ərazi idarəsini məhkəməyə verdik. Məhkəmə zamanı müəyyən oldu ki, vətəndaş kupçasını almaq üçün, idarəyə sənədlərin əslini deyil, surətlərini təqdim edib. Hakim bizə tövsiyyə etdi ki, vətəndaş sənədlərin əslini idarəyə təqdim etmədiyi üçün idarə düz hərəkət edib, ona görə sənədlərin əsli ilə birgə idarəyə müraciət edək, yenə də rədd cavabı verilərsə məhkəməyə şikayət edərik. Bu isə vətəndaşın hüquqularının pozulması demək idi. Çünki vətəndaş yenidən müraciət etməli, bundan sonra dövlət qurumu isə yenidən bir aya cavab verməli idi. Əgər müsbət cavab verilməsəydi, onda yenidən aylarla problem davam edəcəkdi.
Bu vəziyyətdə mən ani qərar qəbul etdim və belə bir qənaətə gəldim ki, dövlət orqanı bu məsələdə qanunsuz iş görüb. Çünki vətəndaşların sənədlərinin qəbulu ilə bağlı Nazirlər Kabinetinin təsdiq etdiyi qaydada göstərilir ki, Daşınmaz Əmlakın Dövlət Reyestri Xidməti vətəndaşdan sənədlərin surətini deyil, məhz əslini almalıdır. Bu hadisədə isə dövlət orqanı vətəndaşdan bilərəkdən sənədlərin surətini alıb ki, sonradan əsas gətirsin ki, vətəndaş surət təqdim etdiyi üçün ona çıxarış verilmir. Mən bu məsələdə sübut etdim ki, qaydalara görə, dövlət orqanının borcu idi ki, sənədlərin əslini alsın, lazım olan bütün izahları versin və yalnız vətəndaş sənədlərin əslini verməkdən imtina etdiyi təqdirdə ona yazılı şəkildə imtina ilə bağlı bildiriş təqdim etsin. Dövlət orqanı isə vətəndaşa belə bir bildiriş verməkdən imtina etmişdi. Mən bu məsələni məhkəmədə birmənalı olaraq müdafiə etdim, hakimə sübutları təqdim etdim və hakim isə sonda dövlət orqanının qanunsuz iş gödüyünü müəyyən etdi və Daşınmaz Əmlakın Dövlət Reyestri Xidmətinin Bakı şəhər ərazi idarəsinin üzərinə vətəndaşa kupça vermək öhdəliyi qoydu. Beləcə vətəndaş bağ sahələrinə dair çıxarış aldı.

Vəkil Vamiq Şükürov

Həmçinin oxuyun

Xalq artisti Flora Kərimovanın doğum günüdür

Azərbaycan estradasının canlı əfsanəsi Flora Kərimova bu gün 78 yaşını qeyd edir. 1941-ci il iyulun …

Bir cavab yazın