“Bu gözəl ölkədə hər cür potensial imkanımız var ki, 8-9 milyonluq Azərbaycan əhalisi yaxşı yaşasın. O üzdən arzu edirəm ki, bütün xalqımız yaxşı yaşasın. Bu həyata gəldiklərinə, bu ölkədə yaşadıqlarına görə heç vaxt peşman olmasınlar”.
Bu sözləri Moderator.az-a açıqlamasında Xalq artisti, əvəzsiz aktyor Rasim Balayev deyib.
Rasim Balayev Azərbaycan xalqını Novruz bayramı münasibəti ilə təbrik edib:
“Rasim Balayev Hər kəsi Novruz bayramı münasibətilə ürəkdən təbrik edirəm. Arzu edirəm ki, camaatımızın üzü gülsün, ruzisi olsun, evlərdə şadlıq, əsl bayram əhval ruhiyyəsi olsun. Tez-tez küçəyə çıxıram, insanlar arasında oluram, insanların çox fikirli görünür. O üzdən arzulayıram ki, insanlarımızın üzü gülsün. Arzu edirəm ki, xalqımız yaxşı yaşasın, qayğıdan, problemdən uzaq olsun, işləri-gücləri olsun. İllərdir uzaq düşdüyümüz Qabağımızı qaytara bilək”.