Bazar , Avqust 18 2019
Ana səhifə / Sosial / Türkiyə XİN-dən Xocalı faciəsi ilə bağlı bəyanat

Türkiyə XİN-dən Xocalı faciəsi ilə bağlı bəyanat

Türkiyənin Xarici İşlər Nazirliyi Xocalı faciəsi ilə bağlı bəyanat yayıb.

Bəyanatda 1992-ci il fevralın 26-da Ermənistanın Dağlıq Qarabağda Xocalı şəhərinə hücum etməsi nəticəsində 613 azərbaycanlının, o cümlədən 106 qadın, 63 uşaq və 70 yaşlı insanın qətlə yetirildiyi qeyd olunub: “1275 nəfər əsir alınıb, 150 nəfərin aqibəti isə bu günə kimi məlum deyil. Bu gün hələ də Azərbaycan torpaqlarının 1/5 hissəsi işğal altındadır, 1 milyonda yaxın azərbaycanlı bacı və qardaşımız qaçqın həyatını davam etdirir. Türkiyə olaraq azərbaycanlı qardaşlarımızın 25 il əvvəl Xocalıda qarşı-qarşı qaldıqları bu vəhşiliyin acısını qəlbimizin ən dərinliyində hiss edir və ağrını ən dərin hisslərimizlə paylaşırıq. Bu insanlıq faciəsinə yol açanlar hər zaman tarix önündə və vicdan qarşısında məhkum qalacaqlar. Ermənistan silahlı qüvvələri tərəfindən gerçəkləşdirilən bu qətliamı və Azərbaycan torpaqlarının illərdir, davam edən işğalını kəskin şəkildə qınayırıq. Bu faciədə həyatını itirənlərə Allahdan rəhmət diləyir və onların xatirəsi qarşısında hörmətlə baş əyirik”.

Həmçinin oxuyun

Əmək fəaliyyəti ilə bağlı inqilabi qərar 2020-ci ildə qüvvəyə minəcək

Finlandiyada artıq işçilər harada və nə zaman işləyəcəklərinə özləri qərar verəcəklər. “Yeni Sabah” xarici mediaya …

Bir cavab yazın