Çərşənbə axşamı , İyul 16 2019
Ana səhifə / Sosial / Ana Vətən Partiyasında əlil qadınlarla görüş keçirilib

Ana Vətən Partiyasında əlil qadınlarla görüş keçirilib

Ana Vətən Partiyası Qadınlar Şurasının sədri Yeganə Haciyeva Əlil Qadınlar Cəmiyyəti Sumqayıt Regional Şöbəsinin bir qrup üzvü ilə görüş keçirmişdir. Bu barədə məlumatı Azinforum.az-a Ana Vətən Partiyasının Mətbuat Xidmətindən veriblər:
“Ana Vətən Partiyası Qadınlar Şurası və “Əlil Qadınlar”Cəmiyyəti Sumqayıt Regional şöbəsi 28 may Respublika günü münasibəti ilə yaradıcı və istedadlı əlil xanımlarla görüş təşkil etdi.
Tədbirin keçirilməsində əsas məqsəd fiziki qusurlu xanımlarla tanışlıq və onların cəmiyyətə necə uyğunlaşmalarını öyrənmək olmuşdur.Fiziki məhdudiyyətli lakin yüksək yaradıcılıq imkanları olan xanımlarla görüş çox yüksək səviyyədə keçmişdir.
Yeganə xanım təkəlduz sənəti üzrə usta Aybəniz Nəsirova,toxucular Kübra Məmmədova, Müşkünaz Əliyeva, Hicran Hüseynova, Gültəkin Şirinova, tətbiqi sənət ustaları İlahə Məmmədova, Ləman Hüseynova,Yasəmən Nəsirova kimi fəal və həyatdolu xanımlarla tanışlıqdan məmnun olduğunu ifadə etmişdir.
Əlil Qadınlar Cəmiyyətinin Sumqayıt Regional Şöbəsinin sədri Səbinə Kərimova çıxış edərək, xanımların bu cür görüşlərdən çox rühlandıqlarını və cəmiyyətə yararlı insanlar olduqlarına inanmalarına səbəb olduğunu bildirmişdir. S.Kərimova Ana Vətən Partiyasının sədri Fəzail Ağamalıya və bütün Ana Vətənçilərə göstərdikləri qayğı və diqqətə görə öz minnətdarlığını bildirdi.
Sonda Y.Hacıyeva xanımlara xoş arzularını bildirmiş və xatirə şəkilləri çəkdirmişdir.
Tədbir xanımların əl işlərinə baxışla yekunlaşdı”.

 

Həmçinin oxuyun

“Sədərək”də “böyük təmizlik” – Saxlanılanlar var

Lökbatanda yerləşən “Sədərək” ticarət mərkəzindəki mağazadan külli miqdarda oğurluq olub.Bununla bağlı Qaradağ rayon Polis İdarəsindən …

Bir cavab yazın