Zahid Oruc:“Novruz Məmmədov intriqalarda ad çıxarmayıb, dövlət sirlərini bilir…”

“Novruz Məmmədov dövlət sirlərini bilir, qlobal mənafe savaşlarından baş çıxarır və birinci şəxsin yürütdüyü siyasətin strateji hədəflərini bütün dünyagörüşünə hopdurmağı bacarıb”.

Bu sözləri prezidentliyə keçmiş namizəd, deputat  Zahid Oruc facebook səhifəsində yazıb.

Deputat qeyd edib ki, o, heç zaman intriqalarda və ya maraq toqquşmalarında ad çıxarmayıb: “Hamı qəbul edir ki, ölkəmiz yeni bir dönəmə daxil olur. Cənab İlham Əliyev yüksək ambisiyalı proqramları qarşıya qoyduğundan ona çevik, reputasiyası təmiz və xalqın iqtisadi-sosial çağırışlarını öz üzərinə götürməyi bacaran bir hökumət lazımdır. Novruz Məmmədov dövlət başçısının hansı hədəflər uğrunda savaşdığını yaxşı anlayır”,-deyə o qeyd edib.