Misir Gülənə sığınacaq verməyə hazırdır? — Siyasi qalmaqal

Misirin keçmiş prezidenti Adil Mansurun mətbuat katibi, ölkənin tanınmış jurnalistlərindən biri Əhməd əl-Müselmani Qahirə ilə Ankara arasında yeni siyasi qalmaqalın yaranmasına səbəb olub.

Əl-Müselmani aparıcısı olduğu Misirin Dream TV kanalında FETÖ terror qruplaşmasının lideri Fəthullah Gülənin ABŞ-dan çıxarılacağı təqdirdə Misirə gələ biləcəyini söyləyib.

Ölkədə Mursinin devrilməsindən sonra Türkiyənin Misirə təzyiqlərini xatırladan jurnalist Gülənin Misirə gələcəyi təqdirdə ölkəsinin əlində Ankaraya qarşı çox mühüm kart olacağını bildirib.(Ölkə.Az)