Zorlamada ittiham edilən məktəb direktoru əvəzi saxlanılıb, araşdırma davam edir – Zərdab rayon prokurorluğu

“Zərdab rayonu Şahhüseynli kənd orta məktəbinin direktoru vəzifəsini icra edən Ceyhun Tofiqli ilə bağlı araşdırma davam etdiyi üçün, hələlik mətbuata açıqlama verilmir.”
Bu haqda Avropa.info-ya Zərdab rayon prokurorluğundan bildiriblər.
Avropa.info-nun “Ceyhun Tofiqli hazırda həbsdə saxlanılırmı, yoxsa azad edilib” sualına cavab olaraq, prokurorluqdan “Bəli hazırda saxlanılıb və araşdırma davam edir” cavabı verilib.
Qeyd edək ki, Zərdab rayonu Şahhüseynli kənd orta məktəbinin direkter əvəzi Ceyhun Tofiqli dünən həbs olunub.
Avropa.info-nun əldə etdiyi məlumata görə, məktəb direktoru rəhbərlik etdiyi orta məktəbdə bir şagirdi zorlamaqda ittiham olunur. Onun haqqında şagirdin valideynlərinin polisə şikayət etdiyi və polis tərəfindən saxlanıldığı qeyd edilir.