Şənbə , Yanvar 16 2021
Ana səhifə / Siyasət / Vahid Mustafayev və Mirşahin məhkəmədə!

Vahid Mustafayev və Mirşahin məhkəmədə!

Bu gün Bakı Apellyasiya Məhkəməsində ANS” Müstəqil Yayım və Media Şirkətinin Milli Televiziya və Radio Şurasına (MTRŞ) qarşı şikayətinə baxılır. Məhkəmə bu dəqiqələrdə başlayıb.

Şikayətə hakim Elşanə Vəliyevanın sədrliyi ilə baxılır. Prosesə ANS Şirkətlər Qrupunun prezidenti Vahid Mustafayev və vitse-prezidenti Mirşahin Ağayev də qatılıb.

“ANS” Müstəqil Yayım və Media Şirkəti şikayəti “İnzibati aktın etibarsız hesab edilməsi” (yayımın müvəqqəti dayandırılması barədə 18 iyul 2016-cı il tarixli qərar) ilə bağlı verib.

Qeyd edək ki, Milli Televiziya və Radio Şurası (MTRŞ) Türkiyə ilə Azərbaycan arasında strateji tərəfdaşlıq münasibətlərinin pozulmasına yönəlmiş təxribatın qarşısını almaq, açıq şəkildə terrorizmin təbliğatına yol verməmək məqsədilə, Azərbaycan Respublikası Baş Prokurorluğunun 18 iyul 2016-cı il tarixli müraciətini, “Televiziya və radio yayımı haqqında” Azərbaycan Respublikası Qanununun 11, 23, 32-ci maddələrinin tələblərini rəhbər tutaraq “ANS Müstəqil Yayım və Media” Şirkətinin yayımının 18 iyul 2016-cı il tarixdən saat 18:30-dan etibarən 1 ay müddətinə dayandırılması barədə qərar qəbul edib. Eyni zamanda, MTRŞ 25 oktyabr 2013-cü il tarixli TR 099 saylı xüsusi razılığın (lisenziyanın) qüvvəsinə xitam verilməsi barədə məhkəmədə iddia qaldırıb. Bakı Apellyasiya Məhkəməsində isə ANS-in lisenziyasına xitam verilməsi ilə bağlı qərar qəbul olunub.

Həmçinin oxuyun

Ermənistanın Rusiyadan Bakı ilə bağlı acizanə xahişi

Ermənistanın baş prokuroru Artur Davtyan Azərbaycanda barələrində cinayət işi başlanılan erməni rəsmilərinin tutulmasının qarşısının alınması …

Bir cavab yazın