Bazar , Yanvar 24 2021
Ana səhifə / Siyasət / Silahlı Qüvvələrdə “Açıq qapı” günü – Foto

Silahlı Qüvvələrdə “Açıq qapı” günü – Foto

Müdafiə nazirinin tapşırığına əsasən Novruz bayramı münasibətilə bütün hərbi hissələrdə əsgər valideynləri və yaxınları üçün “Açıq qapı” günü təşkil edilib.

 

Müdafiə Nazirliyindən Axar.az-a verilən məlumata görə, gün ərzində ziyarətçilər, ictimaiyyət, kütləvi informasiya vasitələrinin nümayəndələri hərbi hissələrdə yaradılan yaşayış və məişət şəraiti ilə yaxından tanış olub, xidməti, inzibati binalara, əsgər yataqxanaları və yeməkxanalarına baş çəkiblər.

 

Silahlı Qüvvələrin bütün rəhbər heyətinin iştirakı ilə keçirilən “Açıq qapı” günündə valideynlərlə görüşlər təşkil olunub, onları maraqlandıran məsələlər müzakirə edilib, konsert proqramları və digər mədəni-kütləvi tədbirlər keçirilib.
Hərbi hissələrdə təşkil olunan “Novruz” şənliklərində tonqallar qalanıb, hərbçilərə bayram sovqatları təqdim olunub və ziyarətçilərlə birlikdə bayram süfrəsi arxasında nahar təşkil edilib.

Həmçinin oxuyun

Bakı İrəvandan bu yolla yeni ərazilər alacaq

Bakı və Ankara beynəlxalq meydanlarda Ermənistana qarşı fəaliyyət aparır. Bunu jurnalistlərə açıqlamasında erməni türkoloq Ruben …

Bir cavab yazın