Cümə , İyul 10 2020
Ana səhifə / Siyasət / QAZSIZ BAKININ QAZLARI – Günün fotosu

QAZSIZ BAKININ QAZLARI – Günün fotosu

Suyun içinə girmiş, təkərləri belə görünməyən bir avtomobil, baqajının üstündə cələklənib bağlanmış qazlar – 21-ci əsrin Bakısının miskin mənzərəsi.

Sabah bu şəkil “Röyters”in fotoqalereyasında yer alsa, heç kəs təəccüblənməsin. Belə şəkillərə biz Nepalın, Banqladeşin, Laosun, Kambocanın daşqın sularına gömülmüş şəhərlərindən hazırlanmış reportajlarda çox görmüşük.

Güman ki, yiyəsi bu qazları bazara satmağa aparırmış, gəlib Sabunçunun ortasında yağış sularının yaratdığı gölə girib.

Bəlkə də belə havada çörəkpulu qazanmaq hövlü ilə yola çıxan sürücünün ayaqları maşınının döşəməsinə sızmış suyun içindədir və o, özünü düşünmür, baqajın üstünə bağladığı qazların hayındadır.

Təkcə o sürücü deyil, bu gün bütün ölkə qaz hayındadır, ancaq ölkəyə rəsmən qış gəlmədiyi üçün əhaliyə verilən mavi qazın təzyiqini artırmırlar. Ona görə də evlər soyuqdur və insanlar maşın baqajının üstünə sarınmış qazlar qədər üşüyürlər.

Şəhər rəhbərliyi qazlı-qazlı “Bakımız” deməyi bilir. Qazsız Bakı isə selin-suyun içində qalıb.(musavat.com)

Həmçinin oxuyun

Onların övladları niyə hərbiçi yox, polis olur? – XOCALIDAN “TEXOSMOTR İDARƏSİ”NƏ GEDƏN YOL…

Koronavirus bəlası cəmiyyətimizdə, mənəviyyatımızda və idarəçiliyimizdə uzun illər yığılıb qalan, lakin üstü ört-bas edilməyə çalışılan …

Bir cavab yazın