Bazar ertəsi , Oktyabr 19 2020
Ana səhifə / Siyasət / Gülər Əhmədova klinikaya yerləşdirildi

Gülər Əhmədova klinikaya yerləşdirildi

Sabiq millət vəkili Gülər Əhmədova Almaniyanın Berlin şəhərində Vivantes Klinikum Neukölln klinikasında bu gündən müalicəyə başlayıb.

Hafta.az xəbər verir ki, bu haqda Gülər Əhmədova sosial şəbəkədəki səhifəsində yazıb.
Qeyd edək ki, sabiq deputat Gülər Əhmədova avqustun əvvəllərində Almaniyaya gedib. Gülər Əhmədova müalicə olunmaq üçün hazırda Berlin şəhərindədir.

Belə ki, keçmiş deputat bir müddət öncə məhkəmədəki çıxışı zamanı bir neçə xəstəlikdən əziyyət çəkdiyini, talassemiya daşıyıcısı olduğunu söyləmişdi. O, məhkəmədən xaricdə əməliyyat olunmaq üçün ölkədən çıxışına icazə verilməsini istəmiş və buna qismən nail olmuşdu.

G.Əhmədova məhkəmədə onu da bildirmişdi ki, 2001-ci ildən onkoloji xəstəlikdən əziyyət çəkir, 24 yaşında kliniki ölüm keçirib, 2001-ci ildə Moskvada Onkologiya Mərkəzində əməliyyat olunub, ardınca Türkiyədə şüa terapiyası alıb. Daha sonralar deputat olduğu dövrdə də xaricə müalicəyə gedib-gəlib.

İyulun 12-də Bakı Apellyasiya Məhkəməsində eks-deputat Gülər Əhmədovanın Azərbaycandan kənara çıxmasına qoyulmuş qadağanın götürülməsi barədə vəsatətə baxlıb və ona üç ay müddətinə Azərbaycan hüdudlarından kənara çıxmasına icazə verilib.
Xatırladaq ki, fəaliyyəti dayandırılmış Azərbaycan Beynəlxalq Universitetinin sabiq rektoru Elşad Abdullayevin yaydığı qalmaqallı videolardan sonra G.Əhmədova deputat mandatından imtina edib. Onun barəsində həbs-qətimkan tədbiri seçilib.

Keçmiş deputat Cinayət Məcəlləsinin dələduzluq, cinayəti bilib xəbər verməmək maddələri ilə ittiham olunub. 2013-cü ildə Bakı Ağır Cinayətlər Məhkəməsinin hökmü ilə o, 3 il azadlıqdan məhrum edilib. Hökmdən narazı qalan keçmiş deputat apellyasiya şikayəti verib. 2014-cü il mayın 5-də Bakı Apellyasiya Məhkəməsinin qərarı ilə G.Əhmədovaya verilən həbs 3 il sınaq müddəti təyin olunmaqla, şərti cəza ilə əvəzlənib və o, azadlığa buraxılıb.

Həmçinin oxuyun

“Uzun illərdir Minsk Qrupu danışıqlarda mənasız vasitəçiliklə məşğuldur” – Təbriz Musayev

Türkiyə Prezidenti Rəcəb Tayyib Ərdoğan partiyasının Şırnakda keçirilən 7-ci qurultayında Azərbaycanın torpaqlarını azad etməsi uğrunda …

Bir cavab yazın