Çərşənbə , Oktyabr 28 2020
Ana səhifə / Siyasət / “Dədə Qorqud yurdu – Naxçıvan” tarixi və etnoqrafik atlası hazırlanır

“Dədə Qorqud yurdu – Naxçıvan” tarixi və etnoqrafik atlası hazırlanır

Naxçıvan Muxtar Respublikası Ali Məclisinin Sədri yanında Bilik Fondunun 2016-cı il üzrə iş planına uyğun olaraq “Dədə Qorqud yurdu – Naxçıvan” tarixi və etnoqrafik atlasının hazırlanması ilə əlaqədar AMEA-nın Naxçıvan Bölməsində elmi müzakirələr aparılıb.AZƏRTAC xəbər verir ki, bölmənin sədri, akademik İsmayıl Hacıyev “Kitabi-Dədə Qorqud” dastanında adı keçən çoxsaylı toponimlərin Naxçıvan ərazisində qeydə alındığını bildirib. Onun sözlərinə görə, bu, regionun qədim Oğuz yurdu olduğunu bir daha təsdiqləyir. Atlasda “Kitabi-Dədə Qorqud” dastanının Naxçıvanla bağlılığı dərindən araşdırılır.Naxçıvan Muxtar Respublikasının inzibati ərazisinə daxil olan 87 kəndə ekspedisiya təşkil olunub, 200-ə yaxın informatordan məlumatlar toplanıb, 100-dən çox informatorun şəxsi məlumatları artıq elektronlaşdırılıb. Bundan başqa, ekspedisiya zamanı “Kitabi-Dədə Qorqud” dastanında adı çəkilən bir çox məişət əşyalarının rəsmləri çəkilib və haqlarında məlumatlar toplanılıb. Həmin məlumatlar atlasda yerləşdirilir.Tədbirdə bölmənin Tarix, Etnoqrafiya və Arxeologiya İnstitutunun direktoru, AMEA-nın müxbir üzvü Fəxrəddin Səfərli, İncəsənət, Dil və Ədəbiyyat İnstitutunun direktoru, AMEA-nın müxbir üzvü Əbülfəz Quliyev və başqaları mövzu ətrafında çıxış edərək fikirlərini bölüşüblər.Atlasın hazırlanması istiqamətində işlər davam etdirilir. Atlas ilin sonuna qədər nəşr olunacaq.

Həmçinin oxuyun

“Bərdə sakinlərinin qisası yerdə qalmayacaq” – Prezident

Erməni silahlı qüvvələrinin raketlərlə hücumu nəticəsində Bərdədə həlak olanlara Allahdan rəhmət diləyir, ailələrinə başsağlığı verir, …

Bir cavab yazın