246 namizəd seçkiyə qatılmaqdan imtina etdi

“Oktyabrın 13-ə olan məlumata görə, deputatlığa namizədliyi qeydə alınmış 1246 nəfərin bir hissəsi namizədliyini geri götürüb, 1000 nəfər ətrafında deputatlığa namizəd qalıb”.

Azinforum.az  APA-ya istinadən bildirir ki, bunu Mərkəzi Seçki Komissiyasının (MSK) sədri Məzahir Pənahov deyib. MSK sədrinin söylədiklərindən belə məlum olur ki, deputatlığa namizədliyi qeydə alınmış şəxslərin 246-sı namizədliyini geri götürüb. Məzahir Pənahov bildirib ki, MSK bülletenlərin çapı zamanı namizədliyini geri götürmüş deputatlığa namizədlərin adlarının seçki bülletenlərində yer almamasına çalışır: “Çünki bu, seçiciləri də çaşdırır: “Biz belə halların yaşanmaması üçün məntəqə, dairə seçki komissiyalarına da müvafiq göstəriş vermişik”.

Xatırladaq ki, indiyədək Azərbaycanda keçirilən heç bir seçkidə bu qədər namizədlər öz namizədliyini geri götürməmişdi.