Çərşənbə axşamı , Mart 19 2024
Ana səhifə / Müsahibə / “Müdafiə naziri Paşinyanın vertalyotunu vurmalıydı” — Hafiz Hacıyev

“Müdafiə naziri Paşinyanın vertalyotunu vurmalıydı” — Hafiz Hacıyev

Erməni terrorçularının Şuşada keçirdiyi “inaqurasiya”dan sonra Azərbaycan cəmiyyətinin düşmənə qəzəbi, regionda erməni cinayətlərinə göz yuman beynəlxalq ictimaiyyətin isə hüququn aliliyinə dırnaqarası yanaşması bir daha meydana çıxdı. Sərhədlərimiz separatçı dövlət tərəfindən pozulmaqda davam edir, amma ərazi bütövlüyümüzü dəstəkləyən və münaqişənin nizamlanma missiyasını üzərinə götürən həmsədr qrupu bu biabırçılığa göz yumurlar. Görünən odur ki, düşmən öz məkirli niyyətindən, dünya gücləri isə region maraqlarından əl çəkmirlər. O zaman biz niyə acızik. Düşmən çəkinmədən Azərbaycanın mədəniyyət beşiyi olan Şuşada bayram keçirirsə, güc nazirliklərimiz, diplomatlarımız, cəmiyyət olaraq hansı qəti adımları atmalı idik və nə baş verdi?

Bu və ya digər məsələlərlə bağlı saytımıza müsahibə verən MMP sədri Hafiz Hacıyev sərt çıxışı ilə dünya və ölkə ictimaiyyətinə ciddi mesajlar verdi.


“Hərəmiz bir kəndir tapıb özümüzü asmalıyıq”
 

– Hafiz müəllim, erməni işğalçılarının Şuşada keçirdiyi “inaqurasiya”düşmənin torpaqlarımızda sərgilədiyi həyasızlığı, Azərbaycanın ərazi bütövlüyünə, beynəlxalq hüquqa tüpürməsi idi. Yaxşı, bəs biz bu biabırçılığa qarşı hansı qəti mövqe sərgiləyə bildik. Nə baş verir. Niyə düşmənin “bayram havası” susdurulmadı, nə vaxta qədər dözməliyik?


– Bu gün mən özümü təhqir olunmuş hesab elədim. Ermənistanın bir dığası, pozğunu bir qrup pozğunla gəlib Şuşada seçki, and içmə mərasimi keçirirsə, öz parlamentini Şuşada qurmaq istəyirlərsə, hərəmiz bir kəndir tapıb özümüzü asmalıyıq. Utanıram ki, yerində olmayan tərbiyəsiz bir Paşinyan gəlib Azərbaycanda, gözümüzün qarşısında belə bir hərəkət elədi.


Çox təəssüf ki, erməniyə tutarlı cavab verilmədi. Bizim xarici işlər naziri baş qaxıncıdır. “İnaqurasiya” günü Xarici İşlər Nazirliyində bir qızı – mətbuat xidmətini çıxartdılar ortaya, o da yüngülvari nəsə dedi. Mən xəcalət çəkirəm, mən ölüb gedirəm. Biz 1 metr ağdan başqa bu dünyadan nə aparacağıq? O da qismət ola, olmaya. Bizim namusumuz, qeyrətimiz Şuşada, Laçında, Qarabağda, Xankəndində tapdanıb ay kişilər, nə vaxta qədər qeyrətsiz hərəkət edəcəyik?!.


Qardaş, əgər Elmar Məmmədyarov oğluna erməni alıbsa, bu gün vəzifəsindən çıxarılan baş prokurorun müavinin altından milyardlar çıxırsa, işdən çıxarılan icra başçılarının altından milyardlar çıxırsa və yaxud milyardaları olan və hələ bu gün üstlərinə gedilməyən insanlar varsa, bundan artıq nə gözləməliydik? Mən bu hadisələrdən sonra yaşamağı özümə artıq blirəm.


“Bu gün müdafiə naziri də istefa verməlidir, xarici işlər naziri də”
 

– 30 ildir torpaqlar işğaldadır və sizin kimi milyonlarla azərbaycanlı bu cür düşünür: növbəti dəfə psixoloji zərbə aldılar. Sadəcə bir “kəndirlə də” iş bitməyəcəksə, o zaman nəhayət, bu durumdan çıxmaq üçün nə etməliyik?


– Ermənilərlə qohum olmayan insanlar hakimiyətə gəlməlidir. Hafiz Hacıyev minimum baş nazirin müavini gəlməlidir. Dişini aparıb xaricdə düzəldən baş nazirin müavini yox ha, dişi tökülmüş Hafiz Hacıyev hakimiyyətə gəlməlidir. Və bu gün ölkə Prezidentinə kömək lazımdır. Bu gün cənab Prezident İlaham Əliyev çox əziyyət çəkir, ətrafı xəyanət yuvasıdır. Bir misal çəkim sizə, prokurorun keçmiş müavinini götürün. Lazım idimi onun bu gün bu qədər sərvətlənib çıxması? Niyə vaxtında bunun hesabını ondan soruşmurdular? Ona görə biz Ali baş Komandanın ətrafında yığışmalıyıq. Cənab İlaham Əliyevin rəhbərliyi altında olan adamların hamısı təmiz olmalıdır. Yoxsa vaxtilə ASAN xidmətləri tikib, bu gün də gedib kənd təsərrüfatını bərbad vəziyyətə salan yox. Yəni bu gün hakimiyyətdə Prezidentə sadiq adamlar olmalıdır. Ona görə də hakimiyyətə sağlam qüvvələr gəlməlidir. Bizə cənab Prezidentin özü kimi qeyrətli, xalqın qədrini bilən insanlar lazımdır. Və biz işğal altında olan ərazilərimizdə antiterror əməliyyatını həyata keçirməliyik. Dağlıq Qarabağı, Laçını, Kəlbəcəri, Cəbrayılı, Zəngilanı azad eləməliyik. Burda bizim qarşımızda duran kimdir?! Bizim torpaqlarımız işğaldadırsa, niyə azad eləməməliyik?! Sadəcə namusumuz, qeyrətimiz yoxdur, bundan danışmaq lazımdır. Bu gün hakimiyyətdə olanların çoxunun namusu, qeyrəti yoxdur. Bunu yazın, qoy məni öldürsünlər. Mənim qanım bu xalqa halaldır. Mən imkan verməyəcəm ki, ölkə Prezidentinə bu qədər xəyanət olsun. Xarici İşlər Nazirliyində bir dənə gözəl qız var, hər dəfə erməni terroru həddini daha çox aşanda, ya da başqa bir məsələ ortaya çıxanda onu çıxardırlar ortaya. O da yalandan deyir, Qarabağda belə oldu, ele oldu. Nə oldu, xanım?! Mənə Şuşam lazımdır. Əgər ermənilər Şuşada and içib, parlament qururlarsa, bizim nə haqqımız var, yaşamağa. Bunun gələcəkdə hansı nəticələr verəcəyini düşünürlərmi?!. Ölkədə hansı “yeraltı sular axır”, hansı proseslər gedir, bilirlərmi, bilmirlər!


“Yaxın aylarda ölkədə böyük iğtişaşların törədilməsini planlaşdırırlar”
 

Bilmirlərsə deyim: yaxın aylarda ölkədə böyük iğtişaşların törədilməsini planlaşdırırlar! Niyə? Xalq artıq dözə bilmir. Xalq artıq Rüstəm Yusifovun, Zakir Həsənovun belə zəif ordu generalı olmasına dözə bilmir. Cənab Prezident də məmurlara qarşı çıxışında deyir ki, bunlar ölkədə daşı daş üstündə qoymayıblar. Bunlar getməlidir. Biz Xankəndimizi, Şuşamızı, Kəlbəcərimizi azad eləməliyik! Xudafərin körpüsünü azad eləməliyik! Bunun üçün hakimiyyətə Prezidentimizi istiyən, 30 ildir mənim kimi həyatını, canını Heydər Əlievin, İlaham Əliyevin yolunda qoyan Hafiz Hacıyevlər lazımdır. Gəlin başlayaq iş görməyə. Əgər bu gün xarici işlər naziri gedib Amerikada oğluna erməni qızı alırsa, Vaşinqtonda erməni gəlininə milyonluq ev alırsa, bunun o vəzifədə nə işi var? Niyə mən bunu deyəndə az qalırlar dilimi boğazımdan çıxartsınlar. Mən həqiqəti deyirəm. Mən öz həyatımı bir nəfərə qurban vermişəm və mən ona xəyanət edən adamları bağışlaya bilmərəm. Bu gün xarici işlər naziri təcili istefa verməlidir, təcili onun xaricdə olan mülklərinə Şüvəlandakı villalarına arest qoyulmalıdır. Satılıb ordunun hesabına köçürülməlidir, ordu hücuma keçməlidir, torpaqlarımız işğaldan azad olunmalıdır.


“Hörmətli Ramiz Mehdiyev məni çağırıb izahat alırdı ki…”
 

– Belə bir durumda guya münaqişənin həlli ilə bağlı ortaya atılan danışıqlar prosesinin bundan sonrakı aqibəti necə olmalıdır?


– Nə danışıqlar, boş söhbətlərdir. Hər il bir söz deyirlər. Elmar Məmmədyarov 27 ildir torpaqları danışıqlar yolu ilə alırdı, nə oldu bəs!? 27 İldir ATƏT-in Minsk Qrupunun fəaliyyəti nədən ibarət oldu?! Ermənistan artıq Şuşanı Dağlıq Qarabağın paytaxtı elan edir, ay Elmar Məmmədyarov hanı sənin düşmənə olan kəsərli sözün, dünyaya etdiyin kəsərli çağırış?! ATƏT-in Azərbaycana verdiyi tövsiyyələrin xeyri bundan ibarət idimi?! Bu adamın mənəvi haqqı yoxdur, orda oturmağa. Mən bunu 5 il qabaq demişəm. Hörmətli Ramiz Mehdiyev məni çağırırdı Prezident Admnistrasiyasına məndən izahat alırdı ki, niyə belə deyirsən!? İndi Ramiz Mehdiyev ölkə Prezidentinə xəyanət edir, bunu görən yox idi?!. Bunu Hafiz Hacıyev deyirdi və bu gün də deyir.


Ona görə də həmsədrlərin danışmasının heç bir mənası yoxdur. Lavrov kimdir? Anası ermənidir, mənim torpaqlarımı işğal edən nəslin nümayəndəsidir. Onlar Qarabağı, Zəngəzuru, Göyçəni, Vedini işğal ediblər. İrəvan Azərbaycan torpaqları olub. Cənab  İlham Əliyev bunu dəfələrlə deyib. Bu gün bunlar İlham Əliyevi devirmək üçün min oyunlardan çıxırlar. İstəyirlər, xalqa göstərsinlər ki, cənab Prezident Qarabağı azad edə bilmədi. Amma cənab Prezident dəfələrlə yüksək tribunalardan səsləndirib ki, Qarabağ Azərbaycanındır və onun bir qarışını da düşmənə verməyəcəyik. İndi neynəsin Prezident, hamınızın əvəzinizə danışsın?! Bizim xarici işlər naziri, müdafiə naziri nə işlə məşğuldurlar?!. İndi Prezident durub başınızın üstündə, sizə söz öyrətyməlidir, sizə hərbi hazırlıq keçməlidir, cənab nazirlər? Niyə öz işinizi görmürsüz?! Niyə bu məsələdə ciddi hərəkətə keçmirsiz?! Bilirsiz necədir, yetər! Adamın abrı, isməti olar, çıxıb cəhənnəm olub getsinlər. Qoyun bu xalqın dərdini çəkək, qeyrətimizi, namusumuzu qaytaraq: Şuşada, Laçında Kəlbəcərdə, Fizlidə, Ağdamda…


Yalandan “Şuşa” restoranında bakallar qaldırıb şuşalıların sağlığına işməkləri bəsdir! Adamın qeyrəti, namusu olar. Bundan sonara bu dünyadan nə aparacağıq, bir iki metr ağdan başqa. Ona görə də bu gün müdafiə naziri də istefa verməlidir, xarici işlər naziri də istefa verməlidr. Getməlidirlər və əllərində olan hər şey alınmalıdır. Ölkədə Prezidentin apardığı sağlamlaşma prosesinə uyğun olaraq biz xalqımızın birliyini, fəhdətini təşkil edərək, Şuşamızı, Xankəndini azad etməliyik.  Biz bunu etməsək, kimsə gəlib etməyəcək. Başqa cür mümkün deyil.


“Getdin sərhəddi pozan Paşinyanın vertalyotunu vurdun, səni öldürdülər?!”
 

– Bundan sonra danışıqlara ehtiyac qalırmı? Belə deyilir ki, artıq ermənilər “danışıqların fatihəsini” oxudular.


– Mən buna ehtiyac görmürəm. ATƏT-in Minsk Qrupundan imtina eləmək, Türkiyəni bu prosesə qoşmaq lazımdır. Rusiyaya konkret demək lazımdır ki, mənimləsən, yoxsa erməninin yanındasan? Rusiya İrəvanı ermənilərə verdi, Şuşanı, digər torpaqları işğal elədi. Ona görə də heç Rusiyanın nə deməsinə də ehtiyac yoxdur.


Xatırlayın, Türkiyə öz sərhədlərinin kənarını qorumaq üçün gedib harda antiterror əməliyyatları keçirdi. Amma biz gəlib “çiynimizdə oturub, istədiyi vaxt ayaqlarını yellədən” düşmənə heç nə etmirik. Axı bu bizim torpağımızdır, onu biz qorumalıyıq. Ona görə də heç bir danışığa getmək lazım deyil, hərbi əməliyyatlara başlamaq lazımdır. Cənab Prezidentin bundan sonra ömürlük prezident olmasından ötrü onu istəyən adamlar Qarabağı azad eləməlidirlər. Sübut eləməliyik ki, necə ki, rəhmətlik Heydər Əliyev torpaqların işğaldan azad olunması istiqamətində can qoyurdu, eləcə də İlham Əliyev bunu edir. Biz də qorpaqlarımız uğrunda şəhid olmalıyıq. Burda nə xarici işlər naziri, nə də müdafiə nazirinin heç nə vecinə deyil. Müdafiə naziri özü də mənim yerlimdir. Qardaş, sən bacarmadın da. Sən getdin sərhəddi pozan Paşinyanın vertalyotunu vurdun, səni öldürdülər?! Yaxşı qorxurdun, ataydın mənim boynuma. Mən gedib türmədə oturmağa hazır idim. Amma belə rəzillik olmaz axı, Paşinyan bit düşmüş saqqalı ilə Şuşada gəlib bir küçə qadını ilə millətimi təhqir eləsin. Bu namussuzluğa dözə bilmərik axı? Biz öləndə də gorumuz çatlayacaq. Gələcək nəsillər bizə nə deyəcək?


“Belə nakişilik olar, hanı qeyrətiniz, namusunuz?!.”
 

– Bu gün cəmiyyətdən də belə mesajlar gəlir ki, Paşinyan vertalyotla Şuşaya gələndə mütləq vertalyotu vurulmalıydı, bu mərasim bombalarla dağıdılmalıydı. Belə fikirlər də var ki, əgər bombalansaydı, bunun Azərbaycan üçün zərərli fəsadları olardı. Bu qorxu Azərbaycan siyasətçisindən getmirsə, hansı müsbət nəticə olacaq. Buna fikriniz?


– Boş söhbətlərdir. Şuşa bizim torpağımızdır, evimizdir. Kimin nə ixtiyarı var. Zəif adamlar həmişə bu bəhanələri gətirirlər.  Düşmən bizim canımız Qarabağda hava məkanımızı pozanda, vertalyot vurulmalı idi, nəticəsi nə olur, olsun. Hələ Xocalıda qurulan aeroport çoxdan bombalanmalı idi. Ora bir dənə də samalyot uçmamalı idi. Bundan əvvəl Ermənistanın cinayətkar rəhbərlərinin gəlməsi atəşə tutulmalı idi. Bunlar bizim dövlət sərhədlərimizi pozublar, vurulmalıdır! Vəssalam. Hanı bizim sərhəd xidmətinin rəisi, hanı?! Sən kimə meydan oxuyursan? Nə dəxli var sən kimin qohumusan. Adamın vicdanı olar. Sabah bir şey olsa Prezidentə kömək etməyəssiz, hamınız qaçassız. Nətərki indikilər qaçır. Bu gün onun arxasınfda duran biz varıq!


Ölkə Prezidentini qorumaq, apardığı siyasətə dəstək vermək üçün biz bildiklərimizi deməliyik. Təbii ki, mən əziyyət çəkirəm, mənə qarşı təzyiqlər olur. Bu gün Respublika Prokurorluğunda olan olayları siz görürsüz. Sabah Elmar Məmmədyarov çıxanda hamınız danışassız ki, o Vaşinqtonda oğluna erməni aldı. Bunu mən bu gün deyirəm. Söhbət bundan gedir. Ona görə də nə Lavrov, nə Petrov, nə o birisi gəlib bizə heç nə edən deyillər. Bunlar hamısı gəlib konyakdan içirlər, kababdan yeyib gedirlər. 30 ildir bunlar nəyə nail olublar? Bu gün xalq qaynıyır, xalq içindən yanır. Xalaq namussuzluğa dözə bilmir. Namussuzu itə atıblar, it də götürməyib. Belə olmaz axı. Ciddi rəsmi reaksiya verilmədi. Kim verəcək?! Şuşam gedib, torpaqlarım gedib, Qarabağım gedib, bunun haqq-hesabını kim verməlidir?!.


Mən 10 illərdir qəzetlərdə, 4 il prezidentliyə namizəd olan bir şəxs kimi televiziyalarda hayqırıram!.. Qardaşım, mənə imkan verin, Qarabağda bir dənə erməni qalsa mənə nə deyirsiz deyin. Mən niyə torpaqlarımı erməniyə verməliyəm. Mənim babamın qəbri Göyçədə qalıb, bir başqasının qəbirləri Vedidə, İrəvanda qalıb. Niyə?!. Ona görə ki, Məmmədyarov oğluna erməni alıb? Belə biabırçılıq olmaz. Bu artıq siyasi faişəlikdir.


Gətirib Əbülfəz Qarayevi Mədəniyyət naziri qoydular ölkənin mədəniyyətini dağıtdı yedi. Belə nakişilik olar?


“Vaxtilə rəhmətlik Heydər Əliyevin şəklini yandıranların balaları indi gəlib…”
 

– Bəs bu vəziyyətdə millət vəkilinin reaksiyaları necə oldu?

– Milli Məclis nə vaxt ciddi şəkildə toparlandı ki, indi də toparlansın? Nədən danıırsız, rəhmətlik Heydər Əliyevin şəklini yandıranların balaları da indi gəlib Milli Məclisdə təmsil olunurlar. Milli Məclis yığılmalıydı. Milli Məclis bilirmi ki, küçələrdə, xalq arasında nə söhbətlər gedir? Bilməlidirlər! Prezident nə qədər islahatlar aparsa da, onlar bunu sıfıra endirir.  Müəyyən adamlar, qruplar var ki, yaxın aylarda ölkədə qarışıqlıq yaratmaqdan ötrü min oyundan çıxırlar. Çoxlu suallar var. Deyirlər ki, niyə ermənilərin “inaqurasiyasına” imkan verildi. Müdafiə Naziri Paşinyanın vertalyotunu vuraydı, xalq da deyərdi ki, filankəs teeoristi vurdu. Sərhəd pozulub, sərhəd xidməti bunu etməliydi. Gəlib deyəydi ki, bunu etmişəm, istefa verəydi. Eləmədi. Ona görə ki, xəyantəkardır. Məni buna görə öldürsələr də deməliyəm. Siz də qəbrimin üstünə bir dəstə gül qoyarsız qurtarar gedər.(versus.az)

Həmçinin oxuyun

“Belə verilişləri hazırlayanlar papaqlarını qarşıya qoyub düşünməlidirlər, özlərinə çəki-düzən verməlidirlər”-Müsahibə

Zülfiyyə Eldarqızı: “Ailəsini, uşağını, ərini atıb gələn qadının saçını, qaşını düzəldib, iş tapıb onu ulduza …