Cümə axşamı , May 23 2019
Ana səhifə / Media / Sənədləri telefonla da imzalamaq olacaq

Sənədləri telefonla da imzalamaq olacaq

Bundan sonra mobil telefon vasitəsi ilə sənəd imzalanması mümkün olacaq.

Azinforum.az-ın məlumatına görə, bu barədə virtualaz.org saytına Rabitə və Yüksək Texnologiyalar Nazirliyindən məlumat veriblər.

Xəbərdə deyilir ki, nazirliyin Məlumat Hesablama Mərkəsinin Milli Sertifikat Xidmətləri Mərkəzi elektron imza kartlarından istifadə edərək mobil imza həllərinin tətbiqinə başlayıb. Artıq vətəndaş elektron imza kartından istifadə edərək mobil smartfonlar üzərindən elektron sənəd imzalaya və Elektron hökumət portalına (www.e-gov.az) elektron imza ilə autentifikasiyadan keçərək daxil ola biləcək.

Hazırlanmış proqram təminatı vasitəsilə elektron sənədə vaxt göstəricilərini əlavə etmək imkanı, həmçinin imza sertifikatları ilə hər bir sənədə imza edilən zaman yoxlama imkanı mövcuddur. Proqram təminatı 3 dildə fəaliyyət göstərir.

İstifadəçiyə imzaladığı sənədlərin siyahısnı proqram təminatı vasitəsilə idarə etmək imkanı yaradılıb. Eyni zamanda, mobil cihazların texniki imkanlarından (Bluetooth, WIFI, Email və s.) istifadə edərək istifadəçilər imzalanmiş elektron sənədləri istədikləri yerə göndərmə imkanına malik olacaqlar. Təqdim edilən mobil imza proqram təminatı Android əməliyyat sistemli mobil cihazlar üçün nəzərdə tutulub. Hazırda İOS əməliyyat sistemində istifadə üçün işlər aparılır.

Həmçinin oxuyun

Əflatun Amaşov Fuad Abbasovun saxlanılmasına münasibət bildirib

Azərbaycan Mətbuat Şurasının sədri Əflatun Amaşov Moskvada jurnalist Fuad Abbasovun saxlanılmasına münasibət bildirib.“Report” xəbər verir …

Bir cavab yazın