Bazar ertəsi , Yanvar 18 2021
Ana səhifə / Media / Bakının bütün avtobuslarında gediş haqqı kartla ödəniləcək

Bakının bütün avtobuslarında gediş haqqı kartla ödəniləcək

Azərbaycanda ictimai nəqliyyatda gediş haqqını ödəmək üçün “BakıKart”ları hazırda gedişin nağd ödənildiyi avtobuslarda istifadə etmək mümkün olacaq. Bunu Trend-ə “BakıKart” layihəsinin rəhbəri Ceyhun Əliyev deyib.

Onun sözlərinə görə, hazırda Bakının bütün avtobuslarında gediş haqqının nağdsız ödənişinin tətbiqi məsələsi müzakirə edilir.

C.Əliyev qeyd edib: “Ümid edirik ki, növbəti mərhələdə “BakıKart” kartları digər özəl nəqliyyat şirkətlərinin avtobuslarında da gediş haqqını ödəmək üçün istifadə ediləcək”.

Xatırladaq ki, hazırda “BakıKart”lar Bakı Metropolitenində və “BakuBus” nəqliyyat şirkətinin 8 marşrutunda gediş haqqını ödəmək üçün istifadə olunur.

BakiKart-ların alınması və yüklənməsi MilliÖN terminallarında mümkündür. Kartın qiyməti 2 manat təşkil edir.

Bundan başqa, ictimai nəqliyyatdan az istifadə edən Bakı sakinləri və paytaxtın qonaqları üçün məhdud istifadəli Bakı Kart-lar nəzərdə tutulub ki, onların qiyməti 0,2 manat təşkil edir. Bu kartlara yalnız 4 gediş yükləmək olar. Bir gedişin qiyməti də 0,2 manat təşkil edir.

Həmçinin oxuyun

Türkiyə mediası Prezidentin Şuşaya səfərindən yazır

Azərbaycan Respublikasının Prezidenti İlham Əliyevin yanvarın 14-də Əhmədbəyli-Füzuli-Şuşa avtomobil yolunun 27-ci kilometrində Füzuli-Şuşa yolunun, həmçinin …

Bir cavab yazın