Çərşənbə , Avqust 21 2019
Ana səhifə / Kriminal / İqtisadiyyat Nazirliyindən çörək açıqlaması…

İqtisadiyyat Nazirliyindən çörək açıqlaması…

İqtisadiyyat Nazirliyi unun və çörəyin Azərbaycanda və qonşu ölkələrdəki qiymətləri ilə bağlı məlumat yayıb.

Həmin məlumatda deyilir:

“Məlumat verildiyi kimi, manatın məzənnəsinin dəyişməsi ilə əlaqədar əhalinin, xüsusilə aztəminatlı ailələrin sosial müdafiəsini gücləndirmək məqsədi ilə Azərbaycan Respublikası Prezidentinin tapşırığına əsasən, buğdanın idxalı və satışı, buğda ununun və çörəyin istehsalı və satışı 15 yanvar 2016-cı il tarixindən etibarən əlavə dəyər vergisindən azad olunmuşdur. Bunun nəticəsi olaraq, hazırda 50 kiloqramlıq 1 kisə əla növ buğda unuunun pərakəndə satış qiyməti ölkə ərazisində 23-24 manatadək enib.

Qeyd edək ki, unun yeni qiymətləri qonşu ölkələrdəkindən xeyli aşağıdır. Müqayisə üçün; Gürcüstanda 50 kiloqramlıq 1 kisə əla növ buğda ununun pərakəndə satış qiyməti 31-32 manat, Türkiyədə 30-33 manat arasındadır. Çörəyin qiymətinə gəlincə isə, Azərbaycanda hazırda əla növ buğda unundan bişiriimiş 500 qramlıq çörəyin pərakəndə satış qiyməti 30 qəpik təşkil edir. Əla növ buğda unundan bişirilmiş çörəyin 500 qramının pərakəndə satış qiyməti Gürcüstanda 50-70 qəpik, Türkiyədə 1.10-1.20 manat, Rusiyada 60-80 qəpik arasında dəyişir”.

Həmçinin oxuyun

Şirkət rəhbəri və “Röyalbank”ın filial müdiri hakim qarşısına: – daha bir kredit fırıldağı

Külli miqdarda dələduzluqda ittiham edilən şəxslər hakim qarşısına çıxarılıb. Onlardan yalnız bir nəfəri həbsdədir.Musavat.com xəbər …

Bir cavab yazın