Bazar ertəsi , Noyabr 30 2020
Ana səhifə / Kriminal / “Dollar yenidən bahalaşa bilər”

“Dollar yenidən bahalaşa bilər”

Şəhidlərimizə Allahdan rəhmət diləyərək, əsgərlərimizə bir daha dəstəyimi nümayiş etdirirəm. Allah əsgərlərimizi qorusun. Allahın yardımı ilə qələbə bizimlə olacaq. Hamımızın ürəyi cəbhədədir, amma vətəndaşlarımızın son iqtisadi dəyişikliklər ilə bağlı da məlumatlandırılması vacibdir. Bu baxımdan, valyuta bazarında baş verən son dəyişikliklər və növbəti inkişaf tendensiya ilə bağlı fikirlərimi Sizlərlə bölüşürəm.

Mart ayının sonuna Mərkəzi Bankın xarici valyuta ehtiyatları 4 milyard 65 milyon dollar olub. Bu əvvəlki ayla müqayisədə 39.5 milyon dollar və ya 1 faizə yaxın artım deməkdir. Mərkəzi Bankın valyuta ehtiyatlarını qoruyub saxlaması ötən ay hərraclarda Dövlət Neft Fondunun dolları təklif etməsi ilə bağlıdır. Hərraclara qatılmayan Mərkəzi Bank öz valyuta ehtiyatlarını qoruyub saxlaya bildi. Eyni zamanda Azərbaycanda dövriyyədə olan manat kütləsi 6 milyard 535,8 milyon manata çatıb. Bu, fevral ayının yekunu ilə müqayisədə 147,3 milyon manat çoxdur. Deməli, bir tərəfdən Mərkəzi Bankın xarici valyuta ehtiyatlarında, digər tərəfdən isə manat bazasında cüzi artımlar baş verib.

Bununla belə, son hərraclarda Dövlət Neft Fondunun satışa çıxardığı dollara tələb də olduqca az idi. Hətta son hərracda fond 100 milyon dollardan cəmi 1 milyon dolları sata bilmişdi. Bu isə dollarlaşma səviyyəsinin yüksək olması və bazarın xarıcı valyuta təklifi nəticəsində hərraclara çıxarılan pula tələbin olmaması ilə bağlıdır. Amma Dövlət Neft Fondu öz xərcləmələri üçün dollarını manat çevirməlidir. Başqa cür öz xərcləmələrini o cümlədən büdcəyə köçürmələri edə bilməz. Banklar isə həmin pulu almırlar. Deməli, proses belə gedə bilməz. Bütün hallarda fondun dolları satılmalıdır. Banklar dollar almadığı halda isə manata malik olan digər qurum Mərkəzi Bankdır. Belə olan halda isə güman olunur ki, Mərkəzi Banka növbəti hərraclarda artıq xarici valyuta satışını deyil, dollar alışını həyata keçirəcək. Bu isə manat-dollar məzənnəsinin yenidən stabilləşməsinə gətirib çıxara bilər. Çünki, bu halda dollara yenidən tələb formalaşacaq. Əgər Mərkəzi Bank hərraclara mütəmadı alıcı qismində çıxarsa bu manatın məzənnəsindəki möhkəmlənmələrin dayanmasına səbəb olacaq. Hətta bu yenidən dolların bahalaşmasına gətirib çıxara bilər. Bu Mərkəzi Banka öz xarici valyuta ehtiyatlarını artırmaq və manat bazasını genişləndirmək imkanı verəcək. Manat bazasının artması isə yenidən bazarda dollara tələbin yüksəlməsi deməkdir.

Vüqar Bayramov, iqtisadçı ekspert

Həmçinin oxuyun

“Qulini snayperlə vurdular” – qatil və sifarişçi haqda sensasion bilgilər

Bu ilin avqust ayının 20-də Antalyadakı hotellərin birində qətlə yetirilən “qanuni oğru” Nadir Səlifovun (Quli …

Bir cavab yazın