“Azərsun holdinq” də qiymətləri artırdı

“Azərsun holdinq” də ərzaq məhsullarının qiymətini artırdı

Politika.az-ın əməkdaşının verdiyi məlumata görə, artıq şəkər tozu, qənd və çayın qiymətində azı 20 qəpik bahalaşma qeydə alınıb.

Hazırda supermarketlərin vitrinlərində qiymətlərə dəyişiklik edilib. Mağazaların rəhbərlikləri bunu “Azərsun”un qərarı ilə izah edir. Ölkə əhalisinin vəziyyətini ağırlaşdıran bu addım üçüncü devalvasiyanın yaşandığını xəbər verir.

Müxbirimiz öyrənib ki, bir çox marketlərdə “Azərsun”un məhsulları bahalaşıb. Bundan sonra digər ərzaq məhsullarının da qiymətində artım olacağı gözlənilir. Yaxın günlərdə yağ, düyü, ağartı məhsulları və digər ərzaqların bahalaşacağı deyilir.

Sentyabrdan isə xaricdən idxal olunan bütün məhsulların qiymətində dəyişiklik olacaq. Dolların günbəgün qalxması ölkə iqtisadiyyatında böhranı dərinləşdirir.