Əmanətlərin 62%-i xarici valyutadadır

“İlk dəfədir ki, Azərbaycanın bank sektorunda ilk beşliyinə daxil olan bankda – “Bank Standard” QSC-də sığorta hadisəsi baş verib. Azərbaycan Əmanətlərin Sığortalanması Fondu həm Bank Standard”ın əmanətçilərinə kompensasiya ödəyəcək, həm də bu bankın ləğvedicisi funksiyasını icra edəcək”.

Fins.az bildirir ki, bu açıqlama ilə Azərbaycan Əmanətlərin Sığortalanması Fondunun icraçı direktoru Azad Cavadov bugün keçirdiyi mətbuat konfransında çıxış edib.
A.Cavadovun sözlərinə görə, “Bank Standard”da əmanətlərin məbləği 603 mln təşkil edir, əmanətlərin 62%-i dollarda və digər valyutalarda, 38%-i isə manatdadır”.