Cümə axşamı , İyul 16 2020
Ana səhifə / İqtisadiyyat / Türkiyə İraqın şimalında təhlükəsiz zona yaratmaq niyyətindədir

Türkiyə İraqın şimalında təhlükəsiz zona yaratmaq niyyətindədir

Türkiyə Suriyadan sonra İraqın şimalında təhlükəsiz zona yaratmaq niyyətindədir.

APA-nın Türkiyənin NTV telekanalına istinadən verdiyi məlumata görə, bunu Türkiyə baş naziri Binəli Yıldırım bəyan edib.

B. Yıldırım deyib ki, Türkiyə Şimal İraqda PKK terrorçularından təmizlənmiş təhlükəsiz zona yaradılmasını zəruri sayır: “PKK terrorçularından təmizlənmiş təhlükəsiz zona yaradılması məsələsində Şimali İraq Kürdüstan Muxtariyyəti ilə eyni fikirdəyik. Həm Türkiyə, həm də Şimali İraq Kürdüstan Muxtariyyəti üçün PKK ortaq təhdiddir”.

Xatırladaq ki, hazırda PKK terror təşkilatının əsas bazası Şimali İraqdakı Qəndil dağında yerləşir. Şimali İraqın digər bölgələrində də PKK düşərgələri var və Türkiyə hərbi aviasiyası mütəmadi həmin bazaları bombalayır.

Qeyd edək ki, hazırda Türkiyə ordusu Suriyada “Fərat qalxanı” əməliyyatı həyata keçirir. Əməliyyatın məqsədi müxalif Azad Suriya Ordusuna dəstək verməklə Suriyanın şimalında 5 min kv. km. ərazini əhatə edən, İŞİD və PKK-nın Suriya qolu PYD-dən təmizlənmiş təhlükəsiz zona yaradılmasıdır.

Həmçinin oxuyun

Məmurlara məxsus olan “karxana”lar niyə mədən vergisi vermirlər?

Ölkə bələdiyyələri ötən il yerli əhəmiyyətli tikinti materiallari üzrə mədən verigisindən 1.198.000 manat maliyyə vəsaiti …

Bir cavab yazın