Cümə , Noyabr 15 2019
Ana səhifə / İqtisadiyyat / Tramp Suriyada təhlükəsizlik zonaları yaradacaq

Tramp Suriyada təhlükəsizlik zonaları yaradacaq

ABŞ qaçqınların Qərbə doğru irimiqyaslı axınına son qoymaq məqsədi ilə Suriyada təhlükəsizlik zonaları yaratmaq niyyətindədir.

TASS-ın verdiyi xəbərə görə, bunu Florida ştatının Melborn şəhərində tərəfdarları ilə görüşdə ABŞ prezidenti Donald Tramp deyib.

“Mən Suriyada və başqa yerlərdə təhlükəsiz zonalar yaratmaq istəyirəm ki, yerli əhali oranı tərk etmədən təhlükəsiz şəraitdə yaşasın. Biz təhlükəsiz zonalar yaradacağıq. Biz elə edəcəyik ki, Fars körfəzi ölkələri bunun üçün lazım olan vəsaitləri ayıracaq”, – deyə Tramp qeyd edib.

Prezidentin sözlərinə görə, o bu addımları “on minlərlə” qaçqını qəbul etməmək məqsədi ilə atmaq niyyətindədir: “Biz o adamlar barədə heç nə bilmirik”.

Bununla belə, Tramp qeyd edib ki, yeni hökumət əslində miqrantların ABŞ-a gəlməsinin əleyhinə deyil: “Biz insanların ABŞ-a gəlməsini istəyirik. Lakin biz onların sırasında bizi sevənləri, ölkəmizin adətlərinə hörmətlə yanaşanları görmək istəyirik”.

Həmçinin oxuyun

PD&MS-də azərbaycanlılarla qul kimi davranırlar – “Rəhbərlərin heç ali təhsili də yoxdur”

Rusiyanın “Lukoil” şirkətinin Özbəkistan ofisinin vəzifəli şəxsi özbək fəhlələri “qoyun sürüsü” adlandırıb və onlardan “öz …

Bir cavab yazın