Rusiyalılar məktəblərdə hicab geyilməsinə etiraz etmədilər

Rusiya əhalisinin təxminən yarısı məktəblərdə hicab geyilməsinə qoyulmuş qadağanın ləğvinə səs veriblər.

Virtualaz.org “İzvestiya” nəşrinə istinadən xəbər verir ki, son illər ərzində rusiyalılar tədris müəssisələrində dini mənsubiyyətin ifadə edilməsinə daha dözümlü yanaşsalar da, bu sorğunun nəticələrinə görə, səslər yarıbayarı bölünüb.

Belə ki, Ümumrusiya İctimai Rəyin Öyrənilməsi Mərkəzinin keçirdiyi sorğunun nəticələrinə əsasən, hazırda ölkə əhalisinin 47%-i məktəblərdə hicab geyilməsinə qoyulmuş qadağanın ləğv edilməsini istəyir. Daha 47% isə bu qadağanın qalmasının tərəfdarıdır. Yerdə qalan 6% fikrini bildirməkdə çətinlik çəkib.