Rusiyadan şok: “Tolstoy dərsliklərdən çıxarılsın”

Rusiya Təhsil Akademiyasının prezidenti Lüdmila Verbitskaya gözlənilməz təkliflə çıxış edib.

Axar.az xəbər verir ki, o, rus yazıçısı Lev Tolstoyun, eləcə də dünya ədəbiyyatının şah əsəri hesab olunan “Hərb və Sülh” romanının məktəb dərsliklərindən çıxarılmasını təklif edib.

Akademiya prezidenti həmçinin digər bir məşhur rus yazıçısı Dostoyevskinin də bəzi əsərlərinin məktəb proqramından çıxarılmalı olduğunu bildirib.

Lüdmila Verbitskaya bu fikrini həmin əsərlərin həddindən artıq çətin, məktəblilər üçün dərkedilməz olması ilə əlaqələndirib.