Mediada yayılan xəbərdən bəlli oldu ki, Müdafiə Nazirliyinin Maliyyə və Büdcə İdarəsinin rəisi, general-mayor Nizami Məmmədov həbs olunub.
Və general-mayor hüquq-mühafizə orqanları tərəfindən keçirilən əməliyyatla saxlanılıb.
Bakı Hərbi Məhkəməsinin qərarı ilə Nizami Məmmədov barəsində 4 aylıq həbs-qətimkan tədbiri seçilib.
İlkin məlumata görə, Nizami Məmmədov külli miqdarda mənimsəmədə təqsirləndirilir.
Nizami Məmmədovun həbsi bir çox generalların canına qorxu salıb.
Belə generallardan biri də Müdafiə nazirinin müavini – Maddi-Texniki Təminat Baş İdarəsinin rəisi, general-leytenant Nizam Osmanovdur.
Qısa məlumat üçün bildirək ki, 44 günlük Zəfər müharibəsindən sonra bir çox generallar, məsələn, MN Baş Qərargahın rəisi Nəcməddin Sadıkov, general Xaqani Cəbrayılov ordudan uzaqlaşdırılsa da, dünən həbs olunan general Nizami Məmmədovu və general Nizam Osmanovu kimlərsə qoruyub saxlaya bildi.
Hətta Nizam Osmanov nazir müavini oldu.
Qısa məlumat üçün bildirək ki, Nizam Osmanov uzun müddət Nəcməddin Sadıkovun müavini olub və ordumuza qarşı olan bütün əməllərdə iştirak edib.
Nizam Osmanovun adı nələrdə hallanmayıb.
Bu adam Baş idarənin rəisi kimi həm də zabit və əsgərlərin mənzil təminatına birbaşa məsuliyyət daşıyır.
Ancaq Osmanov dövlətin ayırdığı milyonlar hesabına zabit və əsgərlər üçün tikilən binaları, mənzilləri öz şəxsi biznesinə çevirib, JEK-ləri bazara döndərib.
Ordudan qovulan şəxslərə mənzil hədiyyə edib, başqa hərbçilər isə illərlə mənzil gözləyib.
Bu isə uzun illər mənzil növbəsi gözləyən hərbçilər arasında ciddi narazılığa səbəb olur.
Bütün bunlar azmış kimi, Nizam Osmanov hərbi hissələrdə mal-qara, hinduşka fermaları açıb özü üçün. Hərbi hissələrin həyətində mağazaları işləyir.
Osmanovun 3-cü mkr dairəsindəki kafesi əsl konfidensial söhbət yeridir, gizli görüşlər, bəzi MAXE xanımlarla söhbətlər bu kafedə baş tutur.
Cənab Osmanov, əla bilir ki, Azərbaycandakı keçmiş sovet hərbi bazalarının ərazisi kimlərə satılıb ?
Həmin ərazilərdəki villalar kimlərə məxsusdur?
İstintaq zamanı bütün bu suallara Nizam Osmanov cavab verməli olacaq.
Bütün bunlar azmış kimi Nizam Osmanov siyasətə də baş vurur. Və sabiq səhiyyə naziri, hazırda partiya sədri Əli İnsanovla yaxın dostdur.
Yəqin ki, Nizam Osmanovu yaxın günlərdə ciddi sorğu-suala tutacaqlar. Hətta həbsi də gözlənilir.
P.S Qarşı tərəfin mövqeyini dərc etməyə hazırıq.
Həmçinin oxuyun
Ağdamdakı Türkiyə-Rusiya Birgə Monitorinq Mərkəzi fəaliyyətini dayandırıb – FOTOLAR
Ağdamda yerləşən Türkiyə-Rusiya Birgə Monitorinq Mərkəzi bu gün fəaliyyətini dayandırıb. Bu münasibətlə Azərbaycan Müdafiə Nazirliyinin …