Çərşənbə axşamı , Dekabr 1 2020
Ana səhifə / Gündəm / Cəbhədə şəhid veririk, əyləncə mərkəzlərimizdə isə çal-çağırdır – BİABIRÇILIQ

Cəbhədə şəhid veririk, əyləncə mərkəzlərimizdə isə çal-çağırdır – BİABIRÇILIQ

Cəbhədə vəziyyət gərgin olaraq qalır. Azərbaycan Ordusu torpaqlarımız uğrunda şəhid verməkdə davam edir. Amma paytaxt restoranları, əyləncə mərkəzləri, bir sözlə şou-biznes əhli çal-çağırla məşğuldur.
Publika.az paytaxtın ən prestijli restoran və şadlıq evləri ilə əlaqə saxlayıb. Bəlli olub ki, cəbhə xəbərləri həmin əyləncə mərkəzlərinin iş qrafikinə qətiyyən təsir göstərməyib. Hər axşam şou-proqramlar davam etdirilir.
“Oazis” restoranından bildirdilər ki, dünən olduğu kimi bu axşam da əyləncə proqramı təqdim edəcəklər. Şou-proqramda xalq artisti Səməd Səmədov, Niyam Səlami, Elariz Məmmədoğlu və digər müğənnilərin iştirak edəcəklər.
“Ay işığı” restoranından da şou proqramlarında dəyişiklik edilmədiyini bildiriblər: “Hər gecə olduğu kimi bu gecə də əyləncəmiz davam edəcək. Amma şou-proqramda kimlər iştirak edəcəksə, bunu axşam saat  5-də müəyyənləşdirəcəyik. Bu, sifarişlərdən asılı olacaq”.
“Niaqara” restoranından bildirdilər ki, dünən gecə şou-proqram təqdim olunub, bu axşam da davam edəcək: “Adətən proqram sifariş əsasında müğənniləri dəvət edir. Axşam saat 6-da daha dəqiq məlumat verə bilərik. Amma bizdə əsasən Niyam Səlami, Samira, Rəhim Rəhimli çıxış edir”.
“Flominqo” restoranında da dünən çal-çağır olduğu deyildi. Bu axşam da əyləncə davam edəcək. Amma hansı müğənnilərin çıxış edəcəyi sifariş əsasında axşam saat 5-6-da bilinəcək”.
“Meridian” restoranından da eyni cavabı eşitdik. “Cəbhədə baş verən hadisələr, şəhidlərimizin itkisi şou proqramları təxirə salmayacaq ki?” sualımıza aldığımız cavab belə oldu: “Yox, indiyə qədər salınmayıbsa, indən belə də salınmayacaq. Şükür Allaha, torpaqlarımızı geri alırıq”.

Həmçinin oxuyun

Əhmədzadənin uğursuz Suqovuşan təcrübəsi… – NARAZILIQ…

Dünən Suqovuşan su anbarından normadan artıq su buraxılması nəticəsində Bərdə rayonu ərazisində fəaliyyət göstərən regionun …

Bir cavab yazın