Cümə , Avqust 23 2019
Ana səhifə / Gündəm / Əsgərlərin pulunu “yeyən” komandir: “Vətənə xəyanət etməmişəm ki…” – VİDEO

Əsgərlərin pulunu “yeyən” komandir: “Vətənə xəyanət etməmişəm ki…” – VİDEO

“5-10 manat rüşvətə görə 8 il yarım cəza aldım”

ARB TV-nin “Rezonans” verilişində bu dəfə məhkum hərbiçinin etirafları təqdim olunub.

Elnur Alıyev (cəzası – 8 il 6 ay): “Baş leytenant idim. Böyük qardaşım şəhid oldu. Sonra hərbini seçdim. 2004-2005-ci illərdə ermənilərlə üzbəüz döyüşmüşəm. Sonra bölük komandiri vəzifəsinə təyin olunmuşam. 2005-ci ildə hərbi hissədə tikinti işləri gedirdi. Mən və əsgərlərim də tikintidə iştirak edirdik. Onların məvaciblərini də alıb götürürdüm. Hər ay onların pulunu alırdım. Əsgərin birinə əl qaldırmışdım, vurmuşdum. Həmin əsgər Sumqayıtda yaşayırdı. Həmin əsgərin məclisi olanda orada bir prokuror da iştirak edib. Əsgər də bu məsələni danışanda prokuror bunu eşidib. Məsələnin dərininə gedib. Bu məsələdə zərərçəkən əsgərləri araşdırıb, danışdırıb, məni cəzalandırdılar. Mənə bu ağır gəlir.

Xalqımı çox sevirəm. Lazım olarsa, işğal olunmuş torpaqlarımızın azad olunması üçün əlimə silah alıb döyüşməyə hazıram. 8 il təhsil almışam, bu qədər xidmət etmişəm. Mənə toxunan odur ki, ölüm yox, narkotik yox, vətənə xəyanət yox, silah-sursat alveri yox, 5-10 manat rüşvətə görə 8 il yarım mənə cəza verdilər. Tək peşman olduğum yer 8 il aldığım təhsildir”.

Həmçinin oxuyun

Sabir Nağıyevə general-leytenant rütbəsi verildi – Sərəncam

Prezident İlham Əliyev Sabir Nağıyevə general-leytenant ali hərbi rütbəsinin verilməsi haqqında sərəncam imzalayıb.  “Qafqazinfo” xəbər …

Bir cavab yazın