Kamal Sunalın oğlu və qızı koronavirusa yoluxdu

Türkiyəli aktyor Kamal Sunalın övladları koronavirusa yoluxub.

Teleqraf.com xəbər verir ki, bu barədə “Haber Global” məlumat yayıb.

Kamal Sunalın qızı Ezo Sunalın bu yaxınlarda övladı dünyaya gəlib. Doğumdan qısa zaman sonra Ezo Sunal koronavirusa yoluxub.

Bundan sonra Kamal Sunalın oğlu Ali Sunalın da koronavirus testi müsbət çıxıb.

Qeyd edək ki, Kamal Sunal 2000-ci ildə dünyasını dəyişib. O, Azərbaycanda da milyonlarla izləyicinin sevimlisi olub.