İsveçdə “Qurani-Kərim”in yandırılmasından sonra iğtişaşlar başlayıb – VİDEO

İsveçin Malmö şəhərində “Qurani-Kərim”in yandırılmasına etiraz olaraq aksiyalar keçirilib.

Bu barədə SVT telekanalı məlumat yayıb.

Qeyd olunur ki, İsveçin “Sərt yol” partiyasının üzvləri Malmö şəhərinin Rusenqord əyalətində Skandinaviya ölkələrində İslam dininin yayılmasına etiraz olaraq “Qurani-Kərim” kitabını yandırıblar.

Təxribatçı hərəkətlərdən qəzəblənən 300-ə yaxın Malmö sakini şəhərin iki əsas küçəsindəki avtomobil yolunu bağlayaraq müqəddəs kitaba hörmətsizlik edən şəxslərin cəzalandırılmasını tələb ediblər.

Polisin aksiyaya müdaxiləsi nəticəsində etirazçılar ilə hüquq-mühafizə orqanlarının əməkdaşları arasında qarşıdurma yaranıb.