Azinforum.az İnformasiya Portalı Onlayn Xəbər Portalı
Azinforum.az xəbər verir, Azərbaycanın tanınmış elektron KİV-lərindən olan Virtualaz. org saytında ciddi qalmaqal yaşanmağa başlayıb. Qeyd edək ki, sözügedən KİV tanınmış jurnalist Eynulla Fətullayevə məxsusdur. Saytın hakimiyyətin mühüm qanadlarından birinin kurasiyasında olduğu bildirilir. Eynulla Fətullayevin həbsdən azad ediləndən sonra təsis etdiyi rusdilli Haqqin.az və Virtualaz.org saytları hazırda böyük populiyarlığa malikdir. Xatırladaq ki, Virtualaz.org saytının baş redaktoru vəzifəsini uzun müddət “Yeni Müsavat” qəzetində çalışmış Famil Cəfərli tuturdu.
Azinforum.az xəbər verir ki, bir neçə saat əvvəl, Famil Cəfərlinin aşağıdakı məzmunlu bir status paylaşması böyük marağa səbəb olub.
Sitat: “Mənə virtualaz.org saytının redaktoru kimi, hansısa xəbərlə, məqalə ilə əlaqədar, yəni sırf iş prosesi ilə bağlı müraciət edən dostlara və həmkarlara bildirirəm ki, daha saytda işləmirəm. Redaksiyaya müraciət edin. Hər kəsə təşəkkürlər və uğurlar…”
Bunun ardınca isə, həmin saytın təsisçisi Eynulla Fətullayevin paylaşdığı statusdan belə anlaşılır ki, Famil Cəfərli saytdan öz xoşu ilə uzaqlaşmayıb.
Sitat: “Famil Ceferlii özü yazıb. Ona görə münasibət bildirməyə məcburam. O, öz istəyi ilə işdən getməyib, işdən çıxarılıb. İşində buraxdığl ciddi səhvlərə görə. Düzünü yazmaq lazımdır!!!”
Rovşən ƏLİ
AZİNFORUM.AZ
