Azərbaycan Turan Ocaqları və Dünya Azərbaycanlıları Konqresi bayramı belə qarşıladı (FOTO)

21 Mart 2016

Azinforum.az xəbər verir ki, Azərbaycan Turan Ocaqları və Dünya Azərbaycanlıları Konqresinin (DAK) birgə təşkilatçılığı ilə Novruz şənliyi keçirilib. Vətəndaş Həmrəyliyi Partiyasının mərkəzi qərərgahında baş tutan tədbirdə hər iki təşkilatın fəalları və jurnalistlər iştirak edib. Bayram tədbirində çıxış edən DAK təmsilçisi Samir Adıgözəlli Novruzun mahiyyəti və türkcülük mücadiləsinin tarixindən danışıb. Azərbaycan Turan Ocaqlarının başqanı Samir Turan çıxışında apardıqları mücadilənin amalından danışaraq, bütün tədbir iştirakçılarını salamlayıb və bayram münasibətilə təbrik edib. Çıxış edən digər natiqlər də öz bayram təbriklərini tədbir iştirakçılarına çatdırıb. Sonda tədbir iştirakçıları Novruz tonqalının üstündən atlanıblar.