Küçə döyüşləri nəticəsində dünən Yerevanda 40 polis əməkdaşı yaralanıb.
Virtualaz.org-un xüsusi müxbiri xəbər verir ki, Ermənistanın müxalif “Təsis məclisi”nin bir qrup fəalı Yerevanda polis idarəsinin binasını zəbt edib və bütün siyasi məhbusların azad olunmasını tələb edir.
Bir neçə gündür ki, Ermənistanda siyasi gərginlik hökm sürür. Ermənistan hakimiyyəti baş verənləri terrorçuluq halı kimi səciyyələndirir, halbuki, demokratik ictimaiyyət “Təsis məclisi”nin hərəkətlərini dəstəkləyir və müxalifətin liderlərindən biri Jirayr Səfilyanın və siyasi motivlər üzrə həbs edilmiş digər məhbusların azad olunmasını tələb edir.
Erməni hüquq müdafiəçilərinin məlumatlarına əsasən, son günlər ərzində ölkədə 300-dən çox siyasi fəal həbs olunub.