Azinforum.az İnformasiya Portalı Onlayn Xəbər Portalı
Sumqayıtda 22 yaşlı qız itkin düşüb.
“ Azinforum.az ” ın Xezerxeber.az-a istinadən məlumatına görə, atası ilə birgə Sumqayıt şəhərinin 15-ci məhəlləsində yerləşən 2 saylı yataqxanada yaşayan Əfsanə Əsədovadan 5 gündür xəbər yoxdur.
Anası Əfsanəni bələkdə olarkən atasına verib və evi tərk edib. O gündən Səfər Əsədov qızına həm ata, həm də ana olub.
Fəhləliklə böyütdüyü qızı isə 5 gündür atasının gözünü yolda qoyub.
Əlacsız qalan ata aidiyyatı qurumlardan kömək istəyir. Övladının tez bir zamanda tapılması üçün o hər gün müraciət etdiyi Sumqayıt şəhər polis idarəsinin 3-cü polis bölməsi ilə maraqlandığını deyir. Lakin hələ ki, heç bir müsbət cavab ala bilmir. Qızın yoxa çıxması qonşuları da narahat edir.
Məsələ ilə bağlı Sumqayıt şəhər polis idarəsinin 3-cü polis bölməsi ilə əlaqə saxlanılıb.
Bölmədən məlumat veriblər ki, 22 yaşlı Ə.Əsədovanın tapılması istiqamətində əməliyyat axtarış tədbirləri həyata keçirilir.
