“2016-cı ildə qadınlara qarşı törədilmiş cinayətlərə görə 739 nəfər məhkəmə məsuliyyətinə cəlb edilib. Bu rəqəm 2015-ci illə müqayisədə azalıb”
Bunu Daxili İşlər Nazirliyinin Baş İctimai Təhlükəsizlik İdarəsinin baş ispektoru Əkbər Əkbərov Bakıda “Gender problemləri və media” mövzusunda keçirilən seminarda deyib.
Onun sözlərinə görə, münaqişəli ailələr qeydiyyata götürülür və aidiyyatı qurumlar cəlb edilərək qabaqlayıcı tədbirlər görülür:
“Ailə-məişət zorakılğı zəmində baş verən hər bir cinayət faktı üzrə xidməti yoxlamalar aparılır. İnzibati Xətalar Məcəlləsinin 157-ci maddəsində döymə, 158-ci maddəsindəki məişət zəminində psixi zorakılıq maddələrinə görə 300 manatdan 1000-dək cərimə və ya inzibati həbs nəzərdə tutulub”.