Gədəbəydə 14 yaşlı yeniyetmə öldürülüb

Gədəbəy şəhərindəki parkda rayon sakini T.Şabanova bıçaqla xəsarət yetirməkdə şübhəli bilinən yeniyetmə saxlanılıb.

“Qafqazinfo” DİN-in saytına istinadən xəbər verir ki, avqustun 15-də Gədəbəy şəhərindəki parkda naməlum şəxs rayon sakini 14 yaşlı Turay Şabanova bıçaqla xəsarət yetirərək hadisə yerini tərk edib. T.Şabanov xəstəxanaya aparılarkən yolda ölüb.

Gədəbəy RPŞ əməkdaşlarının keçirdikləri əməliyyat tədbirləri nəticəsində hadisəni münaqişə zəminində törətməkdə şübhəli bilinən, rayon sakini olan yeniyetmə saxlanılıb.

Faktla əlaqədar cinayət işi başlanılıb.