Çərşənbə axşamı , İyul 16 2019
Ana səhifə / Araşdırma / Biznesmen onun 3,4 milyonunu ələ keçirəndən şikayətçi deyil

Biznesmen onun 3,4 milyonunu ələ keçirəndən şikayətçi deyil

Bu gün Bakı Apellyasiya Məhkəməsində 3,4 milyon dolları dələduzluq yolu ilə ələ keçirməkdə təqsirləndirilənlər Loğman Abdullayev, Emin Qasımov, Ruslan Hacıyev, Pərviz Rzayev, Fərhad Tağıyev, Gəray Abdullayev və Tural Qasımovun barəsindəki hökmdən verilən apellyasiya şikayəti üzrə məhkəmə prosesi keçirilib.

“Qafqazinfo”nun verdiyi xəbərə görə, hakim Qədim Babayevin sədrliyi ilə keçirilən prosesdə tərəflər çıxış edib.

L.Abdullayevin vəkili Bəxtiyar Hacıyev “Qafqazinfo”ya bildirib ki, iclasda zərərçəkmiş Tofiq Zülfüqarov çıxış edərək F.Tağıyevdən şikayətçi olmadığını, E.Qasımov barəsindəki həbs-qətimkan tədbirinin dəyişdirilməsini istədiyini deyib.

E.Qasımovun müdafiəsinə qoşulan yeni vəkil cinayət işinin materialları ilə tanış olmaq üçün vaxt istəyib. Vəkilin vəsatəti təmin edilib. Növbəti iclasda qərarın elan olunacağı gözlənilir.

Məhkəmə prosesi iyunun 6-da davam etdiriləcək.

Qeyd edək ki, ittihama görə, adıçəkilən şəxslər 2015-ci il mayın 1-də saat 23:00 radələrində Xəzər rayonunun Qala qəsəbəsində T.Zülfüqarovun idarə etdiyi avtomobilin qarşısını kəsərək özlərini Milli Təhülkəsizlik Nazirliyinin əməkdaşları kimi təqdim ediblər. T.Zülfüqarovu Xətai rayonu ərazisindəki mənzilinə gətirib seyfdə saxladığı külli miqdarda xarici valyutanı guya araşdırmaq məqsədi ilə ələ keçiriblər. Daha sonra onlar T.Zülfüqarovu “Ulduz” metrostansiyasının yaxınlığında yerləşən obyektlərin birində qanunsuz olaraq 3 gün saxladıqdan sonra Moskva şəhərinə yola salıblar. Ələ keçirdikləri pulu bölüşdürdükdən sonra ölkədən çıxıblar.

Bakı Ağır Cinayətlər Məhkəməsinin hökmü ilə L.Abdullayev 18 il, E.Qasımov və P.Rzayev 16 il müddətinə azadlıqdan məhrum edilib. Digər təqsirləndirilənlər F.Tağıyev, G.Abdullayev, T.Qasımov və R.Hacıyevə şərti cəza verilib.

Həmçinin oxuyun

Yanına gələn qızlara “alt paltarı geyinməsin” deyirdi – Adnan Oktarın qorxunc əməli üzə çıxdı

Adnan Oktarın daha bir dəhşətli əməli üzə çıxıb.  Unikal.org Türkiyə mətbuatına istinadən xəbər verir ki, silahlı …

Bir cavab yazın