Bazar ertəsi , İyun 17 2019
Ana səhifə / Xamenei Obamaya cavab verdi

Xamenei Obamaya cavab verdi

“Amerika Birləşmiş Ştatlarının İranla nüvə proqramı məsələsində razılığa daha çox ehtiyacı var. Amerika hökuməti ilə Konqres arasında məsələyə dair yaranmış düşmənçilik isə, onların razılığa gəlmək istəmədiklərini göstərmir. Sadəcə, respublikaçılar demokratların siyasi arenada xal qazanmasını istəmirlər”.

ANS PRESS-in məlumatına görə, İranın ali dini lideri Ayətullah Əli Xamenei Məşhəd şəhərində çıxışı zamanı bu cür açıqlama verib.

Ayətullah Əli Xamenei: “Biz Amerika ilə təkcə nüvə proqramı məsələsinə dair danışıq aparırıq. Onlarla başqa heç bir məsələ müzakirə olunmur. Bunu hər kəs bilməlidir. Biz regional məsələlərdə Amerikanın fikrini soruşmuruq. Amerikanın hədəfləri tamamilə bizim hədəflərimizə qarşı yönəlib. Sanksiyaların aradan qaldırılması danışıqların şərtlərindən biridir, nəticəsi deyil”

Bir qədər əvvəl İran prezidenti Həsən Ruhaninin anasının dünyasının dəyişməsi ilə əlaqədar rəsmi Tehranla 6-lıq ölkələri arasında danışıqlar təxirə salınıb. Danışıqların bu həftə yenidən start götürəcəyi gözlənilir.

Həmçinin oxuyun

Azərbaycanda ən çox bəraət hökmü çıxaran iki hakim kimdir? – DOSYE

Hüquqşünaslarda belə bir deyim var: “Bəraət hökmü çıxartmamış hakim əslində hakim hesab olunmur”.Azərbaycanda bəraət hökmlərinin …

Bir cavab yazın