Azinforum.az İnformasiya Portalı Onlayn Xəbər Portalı
Məlumat verdiyimiz kimi, iyunun 28-də Azərbaycan Rəssamlar İttifaqının Vəcihə Səmədova adına sərgi salonunda tanınmış rəssam Səyyar Əliyevin “Vətən həsrəti” adlı fərdi sərgisi açılıb.
Sərgi Mədəniyyət və Turizm Nazirliyi və Azərbaycan Rəssamlar İttifaqının birgə təşkilatçılığı ilə keçirilir. 70-dək sənət əsərinin yer aldığı sərgidə fırça ustasının abstrakt əsərləri, realist işlər və peyzaj janrında çəkdiyi rəsmlər nümayiş olunur. Tanınmış rəssam Azinforum.az-a açıqlamasında bildirdi ki, bir həftə davam edəcək sərgidə müəllifi olduğu əsərlərin satışı da, həyata keçiriləcək:
“Mən bu satışı xeyriyyə məqsədilə həyata keçirirəm. Əsərlərin satışından əldə olunan vəsaitin böyük hissəsini kimsəsiz və talasemiyadan əziyyət çəkən uşaqlara yardım məqsədilə sərf etməyi planlaşdırıram. Bu səbəbdən də, əsərlərin satışı münasib olan qiymətlərlə həyata keçiriləcək”.
https://www.youtube.com/watch?v=nR1JvO-O9q8
