Qardaşı qızı ilə sevgili olan aparıcı haqqında – Daha bir iddia

Qardaşı qızı ilə öpüşərkən görüntülənən Murad Başoğlu haqqında daha bir iddia irəli sürülüb.“Qafqazinfo” Milliyet qəzetinə istinadən xəbər verir ki, bir müddətdir ki, Türkiyə gündəmini zəbt edən aparıcının Burcu Başoğlu ilə uzun müddət eşq yaşadığı bəlli olub. Belə ki, Burcu 15 yaşında Muradla münasibətdə olmağa başlayıb.

Bundan başqa, hər ikisi də evli olan cütlük ifşa olunduqdan sonra ailələr arasında böyük qalmaqal yaşanıb. Tahir Mahir Başoğlu qardaşı ilə qızının münasibətindən xəbər tutan kimi Balıkesirdəki evini satışa çıxarıb və şəhərdən köçüb. O, 10 ildir ki, yaşadığı mənzili 265 min TL-yə satır.

Həmçinin, Tahir Mahir Başoğlu ilə mətbuat orqanları da əlaqə saxlayıb. Aparıcının qardaşı mövzu ilə bağlı ona ünvanlanan suallara “Hər şayiəyə inanmayın” – deyə cavab verib.