Murad Dadaşov da “Maşın”dan getdi…

“Maşın” realiti-şounun bugünkü buraxılışı Murad Dadaşovsuz efirə gedib.

“Qafqazinfo”nun məlumatına görə, onu verilişdə teleaparıcı Mətanət Əliverdiyeva, Nuran Hüseynov, Azər Zahid, Vüsalə Kərimova və digərləri əvəz edib.

Hacı Nuran bildirib ki, əməkdar artist Murad Dadaşovun səhhətində problem yaranıb:

“Bilirsiz ki, Murad artıq “Maşın”ın 14-cü sürətini idarə edirdi. Bu gün kiçik bir cərrahiyyə əməliyyatı keçirib. Şükür, hər şey yaxşıdır. Artıq göndərmişik onu evə istirahət etsin”.

Aparıcı Murad Dadaşovun nədən əməliyyat keçirdiyini açıqlamayıb.