Azinforum.az İnformasiya Portalı Onlayn Xəbər Portalı
Azinforum.az xəbər verir ki, Milli Təhlükəsizlik Nazirliyi (MTN) ətrafında cərəyan edən hadisələrə göstərilən diqqət digər vacib bir proses sayılan parlament seçkilərinə olan marağı özündən sonrakı plana keçirib. Mətbuatın ən ciddi müzakirə etdiyi məqamlardan biri də MTN-nin yeni rəhbərinin kimin olacağı ilə bağlıdır. İndiyə kimi bu posta iddialılar arasında bir çox personaların adları hallanıb. Ancaq ölkə başçısının heç kimin təxmin etmədiyi bir namizədi MTN-ə nazir əvəzi təyin etməsi başqa mülahizələrin ortaya çıxmasına rəvac verdi. Bəlli oldu ki, bu cür təyinatlarda gözlənilməzliklər daha çox ola bilir.
Azinforum.az xəbər verir ki, cəmiyyətdə ciddi hüquqşunas kimi tanınan Qurban Məmmədov sosial şəbəkədə paylaşdığı statusunda MTN-nin yeni rəhbərinin kimin ola biləcəyi ilə bağlı istəyini irəli sürüb:
“MT naziri postuna ən layiqli namizəd Ələsgərov Fuad Murtuz oğludur.
Fuad Ələsgərov prezidentə sədaqəti, təcrübəsi və nüfuzuna görə bu vəzifəyə ən uyğun namizəddir”.
Qeyd edək ki, MTN-ə yeni təyin olunan 1-ci müavin Mədət Quliyevin Fuad Ələskərovla çox yaxın münasibətə malik olduğu bildirilir. Bu baxımdan da, hörmətli Qurban Məmmədovun ehtimala söykənən istəyinə inandırıcı və mümkün olan versiya kimi baxmaq olar.
M.MİRZƏ
AZİNFORUM.AZ
