Yasamalda meyxanaçı yüksək dozada narkotik maddə qəbul edərək öldü

Bakıda meyxanaçı yüksək dozada narkotik maddə qəbul etməsi səbəbindən ölüb.

“Report” xəbər verir ki, hadisə Yasamal rayonunda qeydə alınıb.

A. Şərifzadə küçəsində yaşayan 1979-cu il təvəllüdlü İslamov Əlislam Nuru oğlu yüksək dozada narkotik maddə qəbul edərək dünyasını dəyişib. Onun meyiti Məhkəmə Tibbi Ekspertiza və Patoloji Anatomiya Birliyinin Yasamal Rayon Şöbəsinə təhvil verilib.

Qeyd edək ki, Əlislam İslamov meyxanaçıdır.

Faktla bağlı araşdırma aparılır.